وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Thursday, October 11, 2007

ملاحقة السعادة..عن التخاريف نتحدث




حينما لا تكون كالاخرين..تعلم جيدا قدراتك وطموحاتك التي لا يستوعبها
عالم بأسره..وتسير في عالم يمتلئ بالوجوه..وجوه سعيدة..وجوه غاضبة..وجوه تبدو عليها الملاحة والكلاحة..البلادة والاقدام..كل يسير في عالمه الخاص منهم من يمتلئ قلبه بطموح فاق طموحك ومنهم من ارتضي بما حقق في حياته ..تعلم جيدا ان الرضا عملة صعبة لمن هو مثلك..مقامر مغامر لو ملك النجوم جميعها ما ارتضاها
ولو ان النجوم لدي مال نفت كفاي اكثرها انتقادا



هل شعرت يوما بطعم الخيانة...حين يضربك اعز الناس في ظهرك بطعنة خنجر مسمومة تترنح من هول الصدمة لا الالم...لا تصدق؟..ربما لم يصدق قيصر قبل موته بلحظات قليلة ماحدث من بروتس...ربما اتسعت عينا سيف بن زي يزن في ذعر يمتزج بدهشة وألم لا حدود له...ليس كل ألم كألم الخيانة..فكر جيدا قبل ان تجيب..هل اكتسبت من الاصدقاء ما يجعل ظهرك امنا من غدر ضربة من عدو ..وربما من صديق؟؟؟؟




حين تري معان تفتقدها...ضحكة صافية من القلب..مباراة كرة تجمع اصدقاء الصبا...تشجيع حماسي ..صرخة مفعمة بالاثارة في لعبة ملاهي..صور دقيقة كشظايا الزجاج الصغير التي تدمي وتؤلم لكنه ليس الالم الناتج عن كبر الالم بل تعدده


قال:اتعتقدين ان فوستر قتل كل هؤلاء؟؟

قالت:نعم
قال:أخت جيني والجميع؟؟

قالت:نعم
قال:بدون أي شك؟؟
قالت:بالتأكيد
قال:ماذا كنتي لتفعلي؟؟...لا تجيبي فكري بالامر .. العدالة والحقيقة اين يتقاطعان؟؟؟؟؟


اقشعر بدني حين قالها ال باتشينو في نهاية ذلك الفيلم 88 دقيقة
الحقيقة والعدالة اين يتقاطعان؟؟؟
حين تري باطل وتحاول تصحيحه ماذا لتفعل..ماذا اذا صعب عليك تصحيحه..ماذا اذا وجدت العائق وراء العائق وراء العائق حين قررت ان تصحح خطأ او تقر خطيئة...ماذا كنت لتفعل..لا تجيب وفكر بالامر

ماذا اذا قادك تفكيرك في تلك النقطة الي كينونة هامة
ان تبدو ام ان تكون؟؟؟
ان تبدو علي حق..ام ان تكون علي حق؟؟
ماذا اذا وجدت اناسا تتفنن في ان تبدو علي حق..يصدقها من حولها في حين انك تري مالا يراه الاخرون
تري زيفا وادعاء
تجد انك تعيش تحاول ان تكون علي حق فلا يصدقك الا من يصدق من يبدو علي حق
تحاول ان تبدو علي حق فتفشل لانك تحاول جاهدا ان تكون علي حق
ان تبدو..ام ان تكون...؟؟
لا تجيب وفكر بالامر
ان تبدو...ام ان تكون؟؟
الحقيقة والعدالة..اين يتقاطعان؟؟؟




ربما اذا فكرت ..ما الذي ينقصك كي تكون بطلا اسطوريا..أهي الفرصة التي لا تتاح؟؟أم هو الزي الاسطوري الذي غالبا مايأتي حينما تأتي تلك الفرصة لتكون بطلا اسطوريا...ربما فكرت في ان تكون خفيا او تملك القدرة علي الطيران..تري مالا يراه غيرك وتسمع عبر الجدران المغلقة...ربما امتلكت القدرة علي قراءة الافكار؟؟
تري كيف تشعر حين تملك مالا يملكه غيرك؟؟حين تمتلك قوي تعلم جيدا انك تستطيع استخدامها في خدمة العالم او تدميره...هل تشعر بالمسئولية الملقاة علي عاتقك؟؟..هل تفكر حين تجد نفسك في مفترق الطرق..بين الابيض والاسود ذلك الخيط الواهي الذي يقنعك بأن ماتفعله نابع من قوي الخير داخلك حتي لو قتلت اطفال ونساء وحرقت الزرع؟؟..حين تضيع معالم الوحشية والبراءة وتجد لكل ماتفعل مبرر وعذر وسند؟ هل تقوي علي الاعتراف بالخطأ؟؟؟

حين تعلم عيوبك كلها وتبحث وسطها عن ميزة لا يحولها عقلك علي الدوام الي عيب...حين تقرر ان تتغير وتعلم جيدا انك أضعف من ان تتخذ قرارا بالتغيير...حين تري حياة مفعمة بالامل تنهار حثيثا كقطرات المياه التي تتسرب الي سد منيع وتخترقه وتتشرب به جدران ذاك السد حتي ينهار..فقط تدعو الله ان تكون النهاية سريعة بلا ألم ...تدعو الله ان يهبك قوة لا تمتلكها كي تستطيع استكمال طريق لن تنهيه ...ربما لانك اضعف من ان تنهيه.

بالنسبة اليك هو احد الوجوه التي تطالعها صباحا ...كثيرة هي تلك الوجوه التي تطالعها صباحا ولا تعدو لنا اكثر من وجوه...كلما فكرت في ان ذلك الوجه خلفه حياة كاملة..ابن وابنة في سن المراهقة..اب عجوز يرعاه..ربما دين يثقل كاهله..لن تعرف عن ذلك شئ لانه بالنسبة لك لا يعدو وجها لا تراه الا لفترة..وجه يستيقظ مؤمنا بعدالة توزيع الارزاق وان من خلقه لن ينساه...يظل في عمله الذي تتساءل كيف يقضي فيه نهاره كله دون كلل ولا تعب..يراك ويري غيرك وغيرك فانت ايضا بالنسبة له..أحد الوجوه التي تطالعه صباحا..تتسع دوائر تلك الحياة كدوائر الموج الناتج من القاء حجر في بركة مياه ساكنة..تظل تكبر وتكبر وتكبر حتي تتلاشي..تتلاشي منتظرة ذلك الحجر الذي يحركها من جديد


ماذا اذا سمعت تلك الكلمات وانت تشعر بضميرك مثقل بالخطايا والاثام؟؟
الايام
مبتنساش
مهما حتقفل . باب ورا باب
مهما حتهرب..مش حتسيبك...اكيد حتجيبك بكشف حساب
عيد حساباتك
شوف في حياتك
جاي منين علي فين
مهما حتقوي
هي الاقوي
كله سلف ودين
الايام مهما ادتلك
مش حتسبلك شئ ببلاش
الايام حتسيبلك وهتحسبلك
متستقواش
عيد حساباتك
شوف في حياتك
جاي منين علي فين
مهما حتقوي
هي الاقوي
كله سلف ودين

حين تظل تطارد ذاك المعني المبهم الغامض الذي يهبك ذاك الشعور بالراحة ..حين تأمل بتلك اللحظة التي تتنفس فيها الصعداء ويزاح ذاك الحمل الثقيل من صدرك لتستطيع التنفس من جديد

حينها تعلم جيدا انك تظل تطارد السعادة وتلاحقها في كل مكان غير عالم بانها تأتيك حينما لا تلاحقها بل تأتيك لأنك تستحقها

حينها تفكر انك ربما لاتفعل كل ما بوسعك كي تستحقها



6 comments:

maha said...

سلام عليك يا احمد
للاااااا متقولش انا اول واحده
هيييييييييييه
دي عيدية العيد بتاعتي
:)
كل سنة و انت طيب :)
_________
البوست مليان معاني و مواقف ..بيصور حياه مليانة بمتناقضات و اسئلة بتخطر علي بال كل واحد منا و تتوقف عند خط التفكير ...ناس بتفكر فيها و ناس بتتجنبها ...قدرات بشر لا تتحملها بس انت جمعتها في بوست واحد .....
كل ده بيدور في عقلك ؟
....
عجبتني اوي الحقيقة و العداله يتقاطعان
انا عن نفسي احب اكون علي حق مش ابدو علي حق
لان مهما اتجملنا ادام الناس و اتظاهرنا اننا مع الحق فاحنا بنصغر في عيون نفسنا لاننا نبدي ما لا نخفيه ...
....
علي فكرة يا احمد
مش كل معني للسعاده هو في باطنة سعاده زي ظاهرة
ممكن حاجة تكون بتحلم بيها و لو وصلتلها و تكون بالنسبالك السعاده تتحول في لحظة لالم او لحظة حزن ..يمكن تتمني ساعتها انك متكونش وصلتلها ..

...
فكرة غريبة و القصد منها في كلامي ان كل واحد بيشوف الامور حواليه بمنظور مختلف ممكن الحاجة اللي تفرحك متكونش ليها نفس التاثير علي حد تاني ..و العكس ..المهم الواحد يكون عارف هو عاوزايه .و ميهتمش بارء الاخرين مدام هو صح ..لان ساعتها بتكون دي سعادته
بوست مليان تفكير ..بس اكيد محتاج من خلاله توصل لنقطة راحة :)

ربنا يسعدك يا احمد
سلام
مها

البِـئرُ والظمّأْ said...

سلام الله عليك
اولا كل سنه و انت طيب
و اسجل حضور الوقت لحين افضى بالليل و اكتب كومنت لاني خارجة الوقت
لان بجد البوست عاجبني قوي و محتاج كومنت محترم
تحياتي ليك
.
زيــزي

البِـئرُ والظمّأْ said...

سلام الله عليك يا بشمهندس
اديني جيت اهو
قلت اجيب شويه فشار عشان اتسلى و انا بكتب

........
المهم يا عاشق التفاصيل الصغيرة
انا شايفه ان البوست ده حكيت انت فيه عن مواقف كتير و انجزت


احمد سر السعاده هوه الرضا
يعني يتهيالي ما ينفعش الواحد يحس ب اي سعاده و هوه مش راضي عن نفسه او ب اللي حققه
بس على فكرة كمان
اللي اكتشفته انه لا نهاية للرضا اللي احنا لنحس بيه
يعني البني ادم عايش طول عمرة في حاله لا رضا على نفسه او عن اللي حواليه
حتى لو حقق كل اللي بيحلم بيه




لا لم اكتسب !!!
لم اكتسب من الاصدقاء ... بل الجميع ما يجعل ظهري امنا
عجبني قوي الكلمتين دول
و فعلا خيانه احدهم ليك .. و ما يكون اعز اناس بيكون صدمة ليك مش الم



طبعااا يا احمد
احمنا بنتعامل مع ربنا
في حالة وضع المفروض يتصحح
هنعمل اللي يرضيني و يرضي ربنا
سيبنا بقى من فلان و علان
و نقول كزا عشان كزا
احنا بنتعامل مع ربنا
مش هنعصي ربنا من اجل كسب رضا احدهم هنعمل المفروض يتعمل و ننسى عواقبه بعد كده
العواقب اللي بتخلينا كلنا نبدو على حق ..........و كل ده عشان نسعى لكسب رضا احدهم مش ربنا
و كاية الناس اللي بتتفنن دي
الواحد بيقابلهم كتيييييير
فعلا الحقيقه و العداله لا يتقاطعان


على فكرة مش الايام اللي مش بتنسى
احنا اللي مش بننسى
الايام مش هتدينا كل حاجه
و ساعة ما تدينا فعلا
هتكون حاسبة كل حاجه بتديهالنا
رائع طبعا لسمية

حاجه كمان يا احمد
ايه المانع لو نسعى لسعادتنا في الاخرة
ايه الدنيا دي اللي بنجري وراها
الدنيا دي ما هي الا امتحان ربنا بيعملهولنا
هيبلينا بمصايب
هيدينا حجات تسعدنا
في كل الاحوال
هيشوف مين هيقول الحمد لله

سعادتنا في الاخرة اهم بكتير من سعادتنا في الدنيا
نعم ايه عشان نتبسط بعد كده في الاخرة اجمل و احلى بكتير ب انك تفكر ازاي تلاحق السعاده في الدنيا

" قل ما يصيبنا الا ما كتب الله لنا"


بيعذبني قوي اشوف بني ادم قدامي كان بيفكر يعمل و يعمل و و احلى حاجه لما الدنيا بتقف معاه و مدياه اللي هوه عايزة و واصل لحالة الرضا اللي بتتكلم عليها يا احمد
بعدين
يموت وهوه في عز شبابة و هوه قادر على تحقيق المزيد و المزيد

عمل ايه بعد كل ده
لم يبقى معاه الا عمله اللي عمله من اجل اخرته بسسس


تحياتي ليك يا احمد
كان بوست رائع
و مليان حجات تعباك
و مازلت للوقت يمكن ده البوست الخامس في حاجه انت بتدور حواليها
و لسه شغلاك
انت طمووح قوي على فكرة
ربنا يديك اللي انت عايزة


على فكرة صح انا بعتلك طبق كده غريبه و بيتشي فور و اللذي منه
عمايلي بقى
يا رب يعجبك

.
زيــزي

بيتنا القديم said...

كل عام وانت بخير
افكارك وتدوينك جد رائع
دمت بخير
ويجعلوعاااااااااااامر

Young entrepreneur said...

السلام عليكم. العدد الثالث من مجلة طراطيش كلام نزل بفضل الله, منتظرين زياراتكم و تعليقاتكم.
Trateesh Kalam

Unknown said...

كل سنة وانت طيب

ويارب يكون عيد سعيد عليك