وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Wednesday, December 27, 2006

وأول كلامي..سلام!!

أساسي مش عايز اعمل حاجة مكررة ولا نسخ من كلام حد تاني..بس انا كنت بفكر في الموضوع ده من زمان,ولاني مش بعرف انتظم في اي حاجة ولولا ان التنفس لا ارادي كنت زهقت منه, حاولت اكتب زي مذكرات كدة بس طبعا انا مش مصطفي كامل ولقيت مذكراتي عبارة عن حاجات عبيطة زي صحيت وكلت وزعلت من مش عارف مين عشان عمل ايه..دلوقت الموضوع اختلف..بقي فيه صراعات وافكار ومعارك وافكار بتخبط في بعض وخايف بعد فترة -لما اوصل للاستقرار- انسي المرحلة دي من حياتي المهم مش حطول دلوقت نبقي تطول بعدين لكن قبل مختم كلامي طبعا لازم اشكر علي..حبيبي ورفيق الكفاح المسلح قي الكلية وقبل الكلية كمان علي الموقع اللذيذ ده
شكرا ياعلي علي ده..وعلي حاجات كتير انت جايز متعرفهاش..بس بجد شكرا...
وطبعا للحديث بقية...!