وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Sunday, January 14, 2007

هل تتمني ان تكون دوريان جراي...؟

دوريان جراي هو صبي برئ وسيم ,اعجب به احد الرسامين فاختاره ليرسمه في لوحة اختارها لتعبر عن قمة الطهر..وبعدما رسمها راها دوريان حزن حزنا شديدا..تلك الصورة ستبقي شابة الي الابد في حين ان ملامحه ستشيخ مع مرور الزمن..وتساءل هل الخطيئة تبدو علي ملامح صاحبها؟..هل تحفر الاثام والاخطاء ملامحها علي وجهه النضر لو اخطأ ؟ تمني وقتها لو تشيخ تلك الصورة بدلا منه وتحمل اثامه
اعطاه احد اصدقائه كتاب اعجب به كثيرا..وبسببه تحول الي النقيض..اخذ يخطئ ويخطئ ويخطئ دون ان يبدو ذلك علي ملامحه..تحول الي صورة براقه لشخص طاهر برئ في حين اخذت الخطيئة تتخر في روحه شيئا فشيئا..لفد تحققت امنيته وها هي ذي صورته تشيخ وتحمل اوزاره بدلا منه..حملت ملامح الصورة كل القسوة ...نظرتها عابثة مذنبة..احب فتاة واغتصبها وقتلها وحين بحث اخوها عن قاتلها وراه, لم يصدق ان هذا الصبي هو من فعل ذلك ..اعتذر له انه لابد من وجود خطأ..راي الرسام ما الت اليه صورته..وفي النهاية طعن قتل دوريان الرسام وطعن اللوحة وكان المشهد الاخير للخادم الذي وجد صورة لسيده كما عرفه شاب نضر ..وبجواره كهل هرم قبيح الهيئة يرتدي خواتم سيده
ان التلخيص يفسد الامر برمته..يقال انه كلما كانت القصة جيدة كان ملخصها اسوأ ,انها قصة الكاتب الاشهر"أوسكار وايلد"..وهي قصة رائعة اسمها - كما خمنت -" صورة دوريان جراي"..السؤال هو
هل تمنيت ان تكون دوريان جراي؟
فكر جيدا للحظات قبل الاجابة.. ما اقصده واضح ولا يحتمل ان تفكر بأي طريقة اخري..
هل تمنيت الا تحمل ملامحك اثار اخطائك؟..من منا لم يخطئ في حياته خطأ كبيرا سبب جرحا لانسان ربما عرفه وربما لم يعرفه؟..هل انت واثق من نقاء سريرتك؟..ألم تتمني يوما لو عاد بك الزمن الي الوراء ففعلت كذا وكذا..ربما اعتذرت لفلان..ربما اخذت قرارا خاطئا فتتراجع عنه..ربما ندمت علي علاقة ما..ألم تنظر يوما الي شخض ما نظرة المته..كلمته كلاما جارحا..ضغطت عضلات فكيك من الغضب..زممت شفتيك في قسوة.؟
ربما حدث هذا وربما لم يحدث..ولكنك ستظل دائما تتساءل..ألا اتمني ان احظي بتلك الفرصة التي حظي بها دوريان جراي؟
يتــــــــبع

13 comments:

Unknown said...

أنا أول واحده(:
الصراحه لأ, مش عايزه أكون دوريان, هو صحصح مفيش حد مش بيغلط بس أنا أحب اني لما أغلط وأحس بالذنب يبان عليا زي ما لما بفرح يبان عليا لأني كده هبقي انسانه حقيقيه مش مزيفه الناس تتخدع في شكلي الملائكي وأنا أصلا شيطان.

مُزمُز said...

تدوينة جميلة جدا مبدأيا كده

تخيلت لو أنا ظهر على وشي دلوقتي الخظأ اللي عملته السنة اللي فاتت في شهره سبعة
ده سا عتها كان وشي يبقى حقيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير جدا

ما علينا
المهم إن أنا افتكرت جزء من قصيدة أحلام الفارس القديم للأستاذ صلاح عبد الصبور اللي بيقول فيه:

قد كنت فيما فات من أيام
يا فتنتي محاربا صلبا وفارسا همام
من قبل أن تدوس في فؤادي الاقدام
من قبل أن تجلدني الشموس والصقيع
لكي تذل كبريائي الرفيع
كنت أعيش في ربيع خالد
أي ربيع
كنت إن بكيت هزني البكاء
وكنتا عندما أحس بالرثاء
للبؤساء الضعفاء
أود لو أطعمتهم من قلبي الوجيع
ماذا جرى للفارس الهمام؟
انخلع القلب وولى هاربا بلا زمام
وانكسرت قوادم الأحلام
يا من يدل خطوتي على طريق الدمعة البريئة
يا من يدل خطوتي على طريق الضحكة البريئة
لك السلام
لك السلام
أعطيك ما أعطتني الدنيا من التجريب والمهارة
لقاء يوم واحد من البكارة
...

تحياتي

كراكيب نـهـى مـحمود said...

تعرف انا قريت الرواية دي في اولى كليه يعني من فترة طويله جدا وقعدت اسبوع تفكيري مشغول بيها دي بشعه
اللي حصل له ده لعنه
اعتقد محبش اكون

elgharep said...

دوريان جرى هذا الشخص الجوسيم والذى بالرغم من ذلك فأثامه قد جعلت صورته على الحقيقة
أنسان دميما نفسيا فلا يهم الشكل طالما الجوهر سئ
الغريب

أحمد الشمسي said...

مش عارف يا أخي اقولك ايه؟
السؤال صعب ومحتاج تأني...
لأني ما أظنش الواحد يحب انه يبقى مكشوف! أو ان أعماله السيئة تبان عليه!
وهو احنا ماشيين غير ببركة الستر!
فيه شاعر قديم قال حاجة حلوة قوي:
والله لو عرفوا سواد سريرتي...
لأبى السلام علي من يلقاني!
هل أي واحد فينا مستعد الناس ما ترضاش تسلم عليه حتى لأن آثامه كلها باينة على وشه؟
شكرا ليك يا ابوحميد

قصاقيص said...

السؤال حقيقي يحير
بس انا هجاوب وامري لله.... بس والنبي ياجماعه ماحديفتكر اني بمثل اللي نا هقوله هو الحقيقه
انا عمري ماكنت شخصين في جسد واحد
بحب اللي برة يكون زى اللي جوة حتي ولو مجرد تفكير مش تصرف علشان كده ناس كتير من اصحابي بعدوا عني لمجرد جرأتي في الجلوس علي كرسي الاعتراف والكلام عن مبادئي وافكاري
بس اللي انا اكيد مؤمنة بيه اني كل ماببص في المرايه بحس ان فيه حاجه بتحجب عني ملامحي

karakib said...

شبه كلام راسبوتين أوي افعال بطل القصه
المدونه حلوه أوي

Anonymous said...

انا متفقة معاكى يا اسراء على نفس رأيك المفروض ان الانسان لما يغلط يبان علية مش يفضل بصورة ملاك وبعدين الطبيعى اننا نغلط احنا بشر ومش عيب ان الواحد يغلط العيب انة يعرف انة غلط ويكرر نفس الغلط تانى.
TITANIC

Unknown said...

جميله اوى القصه و مليانه بالاحساس و انا فى اعتقادى ان اخطاء الانسان بتترسم على وجهه لان ملامح الروح بتترسم على الوجه و انا عن نفسى بشوف كده لما بنظر فى المرايه بعد كل خطيه

تحياتى و مستنى الباقى

smraa alnil said...

طب المفروض اقولك ايه علي التدوينة دي

بجد اختيار منك رائع ومعالجة اكتر من رائعه

وللمعرفة ان افعالنا وتصرفاتنا واثامنا وحسناتنا تظهر علينا وليس من الضروري ان تكون لنا لوحات
انا فعلا مشش خسرت حاجة لما جيت
:)

Ahmed EIssa said...

اسراء:متشكر انك اول واحدة ياستي..بس جميل انك جاوبتي علي السؤال بسرعة انك متحبيش تبقي مكانه..فكري تاني جايز تغيري رايك ونابعي التكملة وبعدها اسالي نفسك تاني

مزمز:حلوة القصيدة وحلو انك بتقرا لصلاح عبد الصبور بالرغم من صعوبة كتاباته..انا كمان لو ظهر علي وشي الخطا اللي عملته شهر 7 اللي فات حتبقي مشكلة..انت كنت معايا ساعتها ولا ايه..؟

كراكيب نهي:انا قعدت اكتر من اسبوع افكر ..صحيح دي لعنة بس لعنة مخفية ..لعنة ضمير مش حيحس بيها اللي ضميره مات..يعني في كتير مش حيحسو انها لعنة!!

الغريب:مش مهم الشكل طالما الجوهر سئ؟
الموضوع ملوش علاقة بالشكل قد مله علاقه بالاخطاء اللي بنعملها..اعتقد انك لم تقرأ الرواية - وقليل من قرأها - حنزلها ان شاء الله نسخة الكترونية ..ونبقي نتكلم تاني

احمد باشا الشمسي:مش حقول اكتر من انت فهمت قصدي..لو عرفوا سواد سريرتي لابي السلام علي من يلقاني

قصاقيص:واضخ انك دايما بتحاسبي نفسك وقاعدة علي كرسي الاعتراف..تحياتي..وكمان حاسه ان حاجة بتحجب عنك ملامحك.؟...تحياتي تاني

كراكيب:لاداعي لخلط الاوراق راسبوتين كان حالة فريدة ولن يعذبه ضميره علي ما فعل اما دوريان فكان يتعذب الف مرة..تخيل ان ضميرك كيان ملموس تضعه في خزانه وتراه يتلوث يوما بعد يوم؟

واي مي:عندك حق وشكرا ياباشا علي المتابعة..

سمراء النيل:شكرا علي الكلام الجميل قوي ده..والفكرة نفسها بتعالجها القصة..تخيلي ان اثامك واخطائك لا تبدو علي وجهك هل تكوني راضية؟

Memo said...

لا اعتقد
ان الاخطاء ممكن تظهر في ملامحنا دا احنا كنا اتفضحنا من زمان
و مكنش حد طاق يبص في وش حد
البوست لطيف و خلاني افكر و انا قله اصلا
تحياتي

Anonymous said...

سلام عليك يا احمد
ايوة كتير ببقي عايزة ارجع بالزمن وحاجات كتير معملهاش و في عقلي دلوقتي كام حاجة كنت عملتها
بس ازاي يرجع الزمان ؟؟؟؟
معاك مفتاح عشان نفتح اقفاله ؟؟؟؟
مها