وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Sunday, September 23, 2007

الحياة دون شبكة أمان


سائق يقود سيارته مسرعا عالما بأن الفرملة المفاجئة لن تدفعه بعيدا والفضل في ذلك لحزام الامان وكيس الهواء اللذان يقيانه الصدمة


تخيل ماذا يمكن أن يحدث لو لم يوجد حزام أمان أو كيس هواء او كلاهما؟؟؟
يجتهد لاعب الترابيز في تدريباته الشاقة عالما بأن اي خطأ كفيل بسقوطه من ارتفاع شاهق
ورغم علمه بوجود شبكة أمان من تحته تقيه خطر الكسر او الموت في حالة سقوطه الا انه يتمرن ويتمرن كي لا يسقط عالما بأن السقوط ربما لن يكون بهذه الخطورة
فماذا لو قرر ان يؤدي قفزته بدون شبكة أمان؟
**********
تعيش حياتك يوما بعد يوم
تتخذ خيارات بعد خيارات وقرارات بعد قرارات
تفكر دائما في حل ما وحل بديل في حال فشل الحل الاول
ما الذي يحدث لو اتخذت قرارا واحدا وحلا واحدا دون البحث عن البدائل؟؟
**********
لاعب الترابيز يقفز قفزته دون شبكة أمان شاعرا باثارة خاصة
لكنه يجتهد اكثر واكثر ويزداد اصراره علي اتقان تلك القفزة عالما انه لا مجال للخطأ
سائق السيارة يعلم جيدا مدي خطورة التهور دون حزام أمان او كيس هواء
لكنه يشعر بتلك النشوة الخاصة حين يركز تركيزا شديدا في طريقه ويستمتع بقيادته رغم علمه بأنه لا مجال للخطا
**********
لا مجال للخطأ
**********
هكذا الحياة دون شبكة امان
اصرار
تركيز
تحمل
وقوة
وعزيمة
لانك تعلم جيدا انه
لا مجال للخطأ

20 comments:

buffy said...

aked mfesh mgal ll5t2 fe elgame dah bass on general 3ady lma n3'lt gedan we adena bnt3lm

maha said...

سلا م عليك يا احمد
شبكة الامان في الدنيا اظن بتكون الناس اللي حوالينا اللي تساندنا وقت شده او خطر ...لو مش موجودة هيكون الخوف من انك متلاقيش حد جنبك وقت الخطر او السقوط اكبر من الخوف من السقوط نفسه ...
..
تعليقي بالكلام ده علي اول فكرة جت في بالي ...ارجو اني اكون فكرت صح
سلام
مها

Meekness !!! said...

سلام الله عليك يااحمد
*******
اولا يا احمد انا بالنسبالي ان شبكة الامان اللي لينا هوا ربنا

ثانيا احنا هنعمل كل اللي علينا او اللي نقدر نعمله
و هنسعى دوما لاتخاذ القرارات الصحيحة والبحث عن البديله على سبيل الاحتياط ان وجد
بس افرض ووقعنا في الغلط مش هتكون نهاية الحياه
هنبدأتاني
و بعدين هنحط في بالنا ان كل حاجه ممكن تحصلنا ربنا كاتبهالنا .. لو هنعتقد كده و هنؤمن بكده فعلا يبقى هنعول هم ايه؟؟
يبقى هنعمل اللي علينا و هنسيب الباقي على ربنا
مش صح ؟
************
و بعدين زي ما قلت لقينا قرار واحد بس و ما لقيناش البديل و فشل القرار الاول ......... ده زيه زي ما السائق ييسوق بسرعه متهوة عالما ان لديه كيس هواء مثلا و الكيس ده يعيقه عائق ما في وقت ما بياخد فرامل.. و ما يشتغلش في الوقت المناسب
؟؟؟
هيبقى فين شبكة الامان اللي هوه كان حاططها في الحسبان و مش قلقان من حاجه عشانها ؟؟

بس ربنا بقى هنلاقيه علطول

انا قريت البوست كتير عشان افهم قصدك احنا الوقت محتاجين تعليق منك انت مش مننا
!!!!!!
ايه حكاية الحياة معاك يا بشمهندس
؟؟؟؟؟؟
تحياتي
.
زوززا

حسام مراد said...

بص احنا ماشين وبنتوكل على ربنا

وشبكه الامان اللى بتحمينا فى النيا
ربنا طبعا
وحبنا لبعض حبنا للحوالينا وحب اللى حوالينا لينا

بس فى مى مجال لحدوث الخظأ
عندما يخطأ المرء لكى يعرف انه يجب عليه اتخاذ الصحيح

تحياتى
شغال

علي الالفي said...

بالله عليك كفاية
لاحسن انا حاسس اني هاقع و الشبكة اللي تحتى شالوها

علي الالفي said...

يا اخوااننا
انا عندى حفلة
اه و الله حفلة
لا و مش اي حفلة
انا هاغنى مع ايامنا الحلوة
المرة دى كعضو في الفرقة
عارفين هاغني ايه
انا هاغنى تلات سلامات
و هانغنى الليلة الكبيرة
و اغاني تانية
يا جماعة
انا مستنيكم كلكم تيجوا تنورونا في مسرح البالون بالعجوزة ان شاء الله يوم الجمعة الجاية الساعة 8و نص مساءا

dr.Roufy said...

الحياة هي المكان الوحيد الى ممكن تظهر فيه اخطاءنا
أخطاءنا..هي جزء من طبيعتنا
كلنا لازم نغلط..علشان نعرف نعيش صح بعد كدا
أنا شايفة ان فيه مجال للغلط
لكن لازم يكون فيه مجال اننا فعلا نتعلم منه
لأن الغلطة لو اتكررت فعلا بتكون قاتلة

تحياتي

Ahmed Elsabbagh said...

رمــــضان كــــريم
كـــل سنة وإنـتم طــيبين

mohamed hesham said...

الشاطر اللي يتعلم من أخطاءه ...

بس فيه حالات بيكون :
first mistake is the last mistake

يمكن يكون حزام الامان هو الايمان ... الايمان بأي حاجة حتى لو مش صح ...

على فكرة مدونتك جميلة ...

والسـ ختام ــلام

زحل الفلكي said...

وصف جامد يا ابو حميد
وربط مميز اوي بصراحة

ولكني شايف ان الحياه فيها شبكه امان برضه
وهي ان الانسان لازم يجتهد ولكن لو وقع
او خطأ
فهناك اللي حيساعده
ويغفرله خطأه

ولو قصر في واجباته الدينيه
فبرضه ممكن يرجع تاني

hend...hanady said...

مش عارفة ليه حاسة اننا وقعت فى اعلان من اعلانات الفضائيات

ماشى حاضر هنمشيها اصرار وعزيمة وقوة علشان لا مجال للخطأ

tar7elba7r said...

لا مجال للخطأ

شجره الدر said...

تعرف
مااصعب الحياه بدون شبكه امان
تحياتى

osama said...

جميل هذا الدمج وهذا الوصف ... ونحن هنا بين امرين اما ان نغامر ونثق في قدرتنا رغم ان الخطأ قاتل ... لكي نغنم متعة الاثارة ونشوة المخاطر ... او ننتظر ونأخذ الحيطة وبالتالي نعيش الحياة دون مغامرة لكن على الاقل شعور بالامان مع خمول كامل ...
هكذا فهمت البوست
خالص تحياتي

e7na said...

لو كلنا بنتعامل بالمنطق ده
اظن حالنا هيبقى مختلف جدا

علي الالفي said...

بتذهلى و بتهبلني كل شوية بالنيو لوكات الجامدة دى

تمر حنة said...

تمام
بس انا افتكر انا كتير منا مش بيبص للحياة كدة علشان لو هي بجد كدة كانت حاجات كتير اتغيرت
لكن ... اكيد فى مننا اللى صاحى و بيحسبها صح و حيقف ليك علشان يقولك برافواااااااااا
تحياتى تمرحنة

إنـســانـة said...

عندك حق والله

هذه هى الحياة .. لا مجال للخطأ
حتى اليوم اللى بيعدى مش بيرجع تانى عشان نطلح اللى عملناه فيه

مش عارفة حاسة ان البوست ده جاى فى معاده اوى معايا .. سبحان الله أرزاق

على اى حال كل سنة وانت طيب وعيد سعيد عليك وعلى كل احبابك .. ومتنساش عيدية كاميكاااااز

:D

فوكيره said...

ليكون

التوكل على الله
الاصرار
التركيز
التحمل
القوة
والعزيمة

هُم شبكه الامان

جميل .. جميل جدا يا هندسه

كل سنه وانت طيب

Dr.Diamond86 said...

مين قال ان مفيش شبكه امان
واصرارك وارادتك وععزيمتك
واهلك واصحابك وناس قريبه اوى مبتحسش بقربهم غير ف الشدة
وقبل كل ده وده ايمانك بالله ورحمته ورافته بينا
لا اكيد فيه شبكه امان وشبكه قوية كمان
بس احنا اللى بنمزعها بايدينا
بس بوست هايل وارجو انك تقبل اختلاف الراى
ربنا يوفقنا جميعا