كركبة
من فترة وانا حاسس بكركبة جامدة..لخبطة شديدة جدا..مرة ابقي فوووووق قوي ومرة ابقي مش قادر اتنفس من كتر مانا مخنوق..الكركبة دي خلتني افضل ابقي وحيد لفترة علي الاقل عشان ارتب اللي جوايا واعرف اجابة السؤال الابدي..هو في ايه؟؟ وعشان كدة انا عايز اعتذر اعتذار الشديد جدا لكل اللي مش قادر اتابعهم ومش عارف حتي ارد علي تعليقاتهم....اعتذار لكل اللي بيكلمني وبيسأل عليا وبيطلب يشوفني وبتحجج وبرفض..انا عارف اني بخسر ناس كتير كل يوم سواء من اصحابي في عالم التدوين او براه بس فعلا لاول مرة اقول ان مش بايدي حيلة في اللي جوايا..عارف اني حبقي عايز وقت طويل جدا عشان ارجع علاقاتي لمسارها الطبيعي..لحد الزن اللي في دماغي يهدا ويستقر..لحد معرف انا رايح فين اقول لكل اللي انا عارف انهم اصحابي فعلا
بدون سبب...اسف جدا
مرحلة جديدة
القصة اني داخل علي مرحلة جديدة في حياتي..بالاحري اني اقول انها المرحلة اللي المفروض انها تبدا حياتي..بداية الطريق اللي ممكن اقول اني كنت بدور عليه ..الخوف اللي جوايا من اني انهي المرحلة دي قبل متبدأ..الحاجة الوح
يدة اللي مقدرش اخلي طبيعتي المقامرة تيجي جنبها هي مستقبلي ..عشان كدة بحاول اكون مستعد للمرحلة دي كويس جدا... محتاج كل ذرة في تفكيري وعقلي برغم كدة حاسس اني مشتت ..جايز عشان التوتر والقلق المسيطر عليا جدا..انا عارف اني رجل اللحظات الاخيرة وان الوقت اللي في ايدي حيتسرب شوية شوية لحد ملاقي نفسي علي بعد خطوات قليلة قوي من المرحلة دي من غير معمل حاجة
يدة اللي مقدرش اخلي طبيعتي المقامرة تيجي جنبها هي مستقبلي ..عشان كدة بحاول اكون مستعد للمرحلة دي كويس جدا... محتاج كل ذرة في تفكيري وعقلي برغم كدة حاسس اني مشتت ..جايز عشان التوتر والقلق المسيطر عليا جدا..انا عارف اني رجل اللحظات الاخيرة وان الوقت اللي في ايدي حيتسرب شوية شوية لحد ملاقي نفسي علي بعد خطوات قليلة قوي من المرحلة دي من غير معمل حاجةكل اللي ممكن اطلبه من كل اللي اعرفه..من كل اللي ممكن يدخل ويقرا الكلام ده بجد يدعيلي..لاول مرة في حياتي ابقي خايف الخوف ده..والاكتر اني مش عارف اقول لحد اني خايف..كل تصرفاتي بقت العكس تماما والكل بيسأل ليه وانا مش عارف اقول اني خايف..
مهو يانبقي قدها...يانسيبها للي قدها..يارب يارب اكون قدها
ذكريات من بوست فات
افتكر جملة قلتها في بوست كتبته يوم عيد ميلادي
ستتراكم الاحلام التي لم احققها
الي العام التالي وبالتالي فان الحديث عن ذلك به نوع من اليأس..ربما لم احقق كل ما
اردت ولكن هذه مزية الشباب..ان تنظر لوضع شبه ماساوي وتبتسم في ثقة وتقول انا قادر
علي فعل المعجزاتهذا ما أشعر به اليوم
تحديدا...انا قادر علي فعل المعجزات
من ذكرياتي اللي مش من زمان قوي
فيديو ملوش علاقة بمود النكد اللي فوق خااااااااالص
اليوم:من ايام شهر سبتبمر2006
الشخصيات
- احمد عيسي اللي هو أنا..مهندس بيتعلم سواقة جديد
- محمد حلمي اللي بيصور طالب في كلية طب وابن خالة أحمد وبيتعلم سواقة معاه
- الحاج حمودة اللي بيعلمهم السواقة
- اشخاص ثانويين
المكان: خلف كورنيش بورسعيد
الحدث:انتقال احمد لمرحلة هامة جدا في حياة اي واحد بيتعلم سواقة جديد..المرشديير
6 comments:
انا اول واحده هيه
والله تعرف انا عندي نفس الكلام
والحاله اللي انت بتقوله وخايفه جدن ولسه امبارح كنت بعيط بسبب اني المفروض اعمل حاجه في مستقبلي وخايف لمامكونش قدها
بس كنت خايفه لوحدي وأنا مع ربنا بعيط وبقوله خليكي جنبي ماتسبنيش انا خايف اسيب الحبل اللي متعلق فيه واقع
المهم بجد هندعيللك ربنا يثبتك ويعينك ع اللي جاي في حياتك
وبالنسبه للمود والانعزال عن البلوجات الناس اللي عرفتك هتستحمل وتقدر اللي انت فيه
ماتخفش خليك مع الوكيل مش هيسيبك
ان شاء الله كل اللي بتحلم بيه يتحقق
وعلى فكره الخوف ده ظاهره طبعيه ولو مخفتش مش هتبقى حريص انك توصل
ربنا يعينك ويقويك
تحياتي
elsalam 3alaikom
i cant write arabic but at least i must be number 2 in this comments
look my dear
kol wa7ed feel be karkaba in his life
and kol wa7ed ask himself (hwa fee eah)
but i'll till u just 1 word
be with ur god
rabena bas hwa 2lly haikoon m3aak
*********
ba3dean ...dont worry ...no one za3laan menak .. kolena love u and kolena bnd3elak ..at least 2na da3etlak fe 2l7osean 2bl ma 2ftkr 2d3y 2 my self
***********
mmmmmmmmmmm mar7ala gdeda ?????? hia eah ????
but any way rabena ywafa2ak ..wallahy rabena haikoon m3aak tool ma 2nta m3aah.. 3la fekra kman 2nta 2daha 2wy .
*********
rbena m3aaaaak
la fekra 2na saad 3shan mesh 2na number 1 in this post's comment but i'll be in the next post
**********
salam
zozza
اد ايه انت انسان يا احمد
ومش انسان عادي
انت انسان جميل
ده احساسي من ناحيتك
حاول يا أحمد تسيطر على الخوف
غير نظرتك للأشياء
وصدقنى هاتعيش احلى لحظات
سعيد جدا بالقراءة لك
تحياتي
ربنا معاك يارب يااحمد
ويارب تحقق كل اللي انت عايزه
وخد وقتك ياسيدي زي مانت عايز, المهم انك ترجعلنا زي الأول (:
سلام عليك يا احمد
مممم مش اول واحده برضه ...تتعوض معلش
اولا مبروك علي الشكل الجديد ...حلو جدااااااااااااا
ثانيا بقي
ليه اللخبطة بس ...ممكن بس تهدي نفسك و ان شاء الله خير ...ثق في ربنا يا احمد مش هيضيعك ان شاء الله
انت انسان كويس جدا و ان شاء الله ربنا يوفقك في حياتك
...
انا قلتها قبل كده بس نقولها تاني ..
الحياه يا احمد عبارة عن مراحل كتير و عاملة زي مرتفعات و منخفضات
شوية تعلي اوي و شوية تحس انك مش علي الارض اصلا
"ما ضاقت الا لما فرجت "
ان شاء الله خير
:)
انا متاكده
_____
سيبك بقي ...ايه الفديو الفظيع ده
برنامج علي القناه الرابعة
:)
محمد ضحك علي الناس كلها ..و الله صعبوا عليا و هما مصدقين
و انت ليك 4 ضحايا ..الله يرحمهم
بس بجد بتعرف تسوق كويس
و تفاديت حادثة ..:)
ربنا يسلم لك طريقك يا احمد
...
اخر حاجة بقي عشان مطولش عليك
احمد انت انسان كويس و ربنا مش هيضيعك و ان شاء الله ربنا يفرجها و تكون احسن من الاول و الوقت مش هيسرقك ..مدام عندك هدف و انت عارفه و محدده يبقي ان شاء الله توصله ...
ربنا معاك
و انا هدعيلك ان شاء الله
سلام
مها
السلام عليكم ورحمة الله وبركاته
تحيه عظيمة بالطبع ليست كعظم شأن شخصكم المبجل المتواضع , وبعد ,
في واقع الامر تلك هي زيارتي الاولي لمدونتكم الرائعه _ وإن كان وصفها برائعه فقط لا يعطيها حقها _ سعيده جدا بما قرأت واتوقع المزيد فيم لم أقراه بعد وفيم لم تكتبه وأتوقع أن أفضل ما نقله هو مالم نقله بعد وعليه أنتظر أن أقرأ المزيد والأجمل والأروع الذي لم يُكتب بعد .
عثرت علي المدونه عن طريق الصدفه وأول ما قرأت كان موضوعك عن u've got mail ان صح التعبير . وأعجبتني الفكره للغايه فقررت أن اقرأ المزيد وبدأت من البدايه ووصلت حتي سبتمبر 2007 ولولا انني لم اعد أري أمامي الان تماما لأكملت قراءه حتي الصباح .
بإيجاز شديد وجدت اسلوب منمق جذاب وموضوعات غايه في الجمال وكلمات كثيره توقفت عندها وأعدت قراءتها مرارا ولم اجد غير الابتسامه وفي عقلي اقول " فعلها وسبقني " . كلمات كثيره جالت بذهني لكنها ربما أبت الخروج او أنها لم تجد متنفسا للخروج قراتها عندك كما تمنيت أن أقولها .
لا أجد المزيد للإضافه فما تقول يستحق اعجابا لا تصفه كلماتي الفقيره . تلك كانت مرَّتي الأولي ولن تكون الأخيره بإذن الله . اتمني لك التوفيق واتمني ان اكون متابعه دائما لكل جديد تكتبه .
والسلام عليكم ورحمة الله وبركاته
lyssandra
Post a Comment