وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Friday, April 06, 2007

ذلك الطفل



طفلا شقيا تعبث هذا انت
تجلس علي حافة تلك البحيرة الهادئة

تطل من عينيك نظرة عابثة اذ تري سكون مياهها
صمت امواجها
تلتقط حجرا صغيرا لتلقيه بين جنباتها
تراقب الدوامات الصغيرة التي تتسع
وتتسع
وتتسع
كأنها تتسابق الواحدة تلو الاخري للوصول الي الشاطئ
تضحك في مرح حين تموت الدوامات لاهثة تحت اقدامك
فتلتقط حجرا جديدا
وتلقيه محدثة ذات الدوامات التي
تتسع
وتتسع
*************************
طفلا احمق
يعلم عواقب مايفعل
وبالرغم من ذلك
يجذب ذيل القط النائم
يركل عش الدبابير
يعدو بين السيارات المتسارعة ويضحك
يفكر ان العمر كله امامه لاصلاح اخطائه
او انه يستحق معاملة افضل
ربما لانه طفل
وربما لانه
احمق
*************************
طفلا صغيرا
غريرا
ينظر مذعورا
خائفا من وحش خلف باب الخزانة المغلق
يدوي ذاك الصوت من حوله
لا تخف
واجه ما تخاف
فيزيده الصوت خوفا
الان وقد اضحي طفلا..كبيرا
وجد ان في حياته الف باب
وخلف كل باب
يكمن الف وحش
ومازال الصوت يزيده خوفا
**************************
اهداء الي ذلك الطفل بداخلي الذي لم ينضج بعد



25 comments:

maha said...

سلام عليك يا احمد
من الواضح انك كنت طفل شقي جداااااااا
عفريت اوي
لكن بالرغم من كل هذا الا انك بداخل كل طفولتك و شقاوتك و بالرغم منها كان بداخلك ذلك الجانب الخائف من الظلام
فهل كنت تتغلب علي خوفك منه بالانطلاق وسط الاخطار و الموت المؤكد بين السيارات و الدبابير و القطط ؟؟؟؟
مش عارفة ليه حاسة ان جواك انطلاق كبير اوي ...بس فيه جزء خايف من العبور من نقطة الاحلام لتحقيق الاحلام دي
بوست حلو جدا و فيه صراحة كبيرة و ارجو ان تتلخص من خوفك من الضلمة
لان ممكن معاها تتخلص من خوف اكبر لاي شئ مجهول و جديد
:)
سلام
مها

-_- said...

جميل هو هذا الطفل

الذي يسكن داخلك

..

فكرة رائعة

3lool said...

جميل كتير والاجمل هو تنويعك في الافكار اللي بتكتبها دايما

بالمناسبه ايه اللوك الجديد اللي في الصوره ده ياعم احمد احنا منقدرش علي كده :)

محض روح said...

ديما بيكون موجود جونا الطفل
يمكن بنهرب معها او بيه من احسسنا بالدنيا
بس تعرف كتير بحس ان تاه
منى

او انا الى كبرت
وهو كبر معايا

بوست جميل يااحمد
ومعلش ازمه موصلات
:)
تحياتي يافندم

مُزمُز said...

جامد جدا

لمسني أوي

عشان برضه أنا بعتبر نفسي طفل ينطبق عليه كل ما قلت خاصة هذا الجزء العبقري

يعدو بين السيارات المتسارعة ويضحك
يفكر ان العمر كله امامه لاصلاح اخطائه
او انه يستحق معاملة افضل
ربما لانه طفل
وربما لانه
احمق

المقطع ده مالوش حل فعلا
برافو

تحياتي

hoda omran said...

أحمد انت بتتكلم عني انا في البوست
ساعات ببقه عامله زي العيال الصغيره اوي اوي اوي وكل حاجه قلتها بتنطبق عليا وساعات بحس اني كبرت 20 سنة علي عمري
.........ز
بوست رائع أحيييييك

قلب يحترق said...

ما أجمل هذا الطفل الذي يحيا بداخل الكثير منا
بداخل الكثير يحياذلك الطفل الجميل العابث اللاهي المتقلب و الأجمل من ذلك هو ذلك المزيج بين تلك الطفولة بكل ما تحمله في طياتها و تلك المشاعر الناضجة المكتملة وذلك يجعل مزيج رائع لشخصية أكثر روعة
أحييك علي هذا البوست الرائع

shermen said...

يا عزيزي كلنا أطفال
ومفيش أحلى من الطفولة وبرائتها عيش أيامك كلها بإحساس الطفولة صدقني ده أمتع إحساس
تحياتي

Unknown said...

كتكوت الطفل ده
سلم عليه اوى
وقوله كوكو نفسه يلعب معاه شوية

Music Gates said...

حلو ان الواحد يبقي جواه طفل صغير الاطفال احباب الله برضه

و طفلك حلو ربنا يخليهولك

قصاقيص said...

تعرف يا احمد:شئ جميل أوي إنك تكون عارف صفات الطفل اللي جواك .فاهمه.حاسس بيه وبمشاكله وعارف فلسفه أخطاءه كمان
........
غير من طفلك زي ماتحب للحسن بس ياريت تحافظ عليه وماتسيبهوش يشيب
الطفوله ليس معناها ان نكبر...ولكن أن تكبر معنا طفولتنا
تحياتي

الملاح التائه said...

قرأت هذه العباره قديما ولم انسها حتى الآن :
في داخلك طفل مجنون أعطه فرصه
عزيزى أحمد بداية تقبل عزائي في احبابكم الذين فقدتوهم في الحادث وخالص دعائنا لهم بالرحمة والمغفره ولذويهم بالصبر والسلوان
واخيرا أقرر معك بحقيقة وجود ذلك الطفل في داخل كل منا
وبحالاته المختلفه
ولكن البرائة يا عزيزى هي ماتفتقده طفولة الطفال بداخلنا
تقبل أرق تحياتى
الملاح

ساعه الغروب said...

المشكله الى بجد اننا ساعات مش بنبقى عارفين اين يكمن هذا الوحش

ولا اين هى تلك الابواب

كل ما نسمعه هو طرقا عنيفا على الابواب

احيك بجد من كل قلبى

بوست معبر جدا

انا يمكن قلت لك رايى فى البوست دا بالاخص
لانه بجد شدنى جدا


والصره كان نفسى كمان يكون مغمض عينه

عشان يكتمل التصور

رودى

تحياتى

:)

Amyra said...

كل واحد فينا بداخله طفل يا أحمد و الحمد لله ...لولا الطفل كنا اتخنقنا من زماااااااااااااان

smraa alnil said...

احمد

بجد الطفل دة جوانا كلنا
بشقاوته بحزنه ببرائته

المهم اننا مش نقتله
ولا نخنقه
ونخليه يبقي معانا وجةانا علي طول
بجد حياتنا هتبقي احسن

كراكيب نـهـى مـحمود said...

طفولتنا هي الشئ الوحيد الذي يمنعنا من النزلاق فيجنون الحياة فتمسك به

أنا أفكر إذن أنا موجود said...

ندعي ربنا ان الطفل الذي بداخلنا يظل طفلاً كما هو ..

ولو اني أعتقد أن ظروف الحياة ستجله طفلاً أشيب الشعر ..

شيماء الجيزى said...

العزيز احمد
يا له من طفل جامح يعيش بداخلك
تتحرك بداخله كل هذه المشاعر
قد تصير براكيين وقد تهدأ كنسيم الصباح
بالطبع نجد هذه الاطفال بداخلنا
مشاعر يا عزيزى تتضارب
تتزاحم
تتراكل داخل معواء ضخم اسمه القلب
وما اجملها
بشاكلتها هذه
تحياتى لك يا احمد
ولهذا الطفل العابث

Anonymous said...

طفلك الموجود جواك ده موجود جوا كل روح بريئه ماعرفتش من الحياه غير المرح والبراءه
طفل شقى وصغنون وياريت يفضل موجود طول العمر
مشكلته الوحيده انه مش هايقدر يتكيف مع العالم الخارجى
تحياتى لك ولأحلى كلمات
ومبروك النيو لوك

david santos said...

Very good post. Thank you

We go all to today start to fight for the end of the wars, the badness and the tyranny. We go to start to fight for the peace, the friendship between the peoples, the tolerance and solidarity. We go all to fight so that the 2007 either year that it justifies to have civilization in our Planet.

Ahmed EIssa said...

اولا:اعتذار شديد جدا لتأخري في متابعة المدونة والردود وتبدأ في السريييييييع..

مها:جواك انطلاق كبير اوي ...بس فيه جزء خايف من العبور من نقطة الاحلام لتحقيق الاحلام دي

هو ده بالضبط اللي كنت عايز اقوله..لان اي طفل كدة..وكل واحد فينا جواه النقطة دي

انا كنت طفل شقي؟والله يامها ولسة شقي زي مانا

شرم:ايه ياعم انت فين؟عامة شكرا انك جيت ومكانك محجوز

علووووول:شفت اللوك ياعلوة..لا ولسة بقي لما احلق اقرع ولا افلام الرعب

محض روح:لو دورتي كويس حتلاقي الطفل ده بيطلع ويتصرف في الوقت اللي الناضج الكبير اللي دواكي مش عارف يتصرف..عشان كدة الكلمة دايما نقولها:انا مش عارف عملت كدة اذاي
ازمة مواصلات؟امد يعني خط مترو للمدونة عندي؟اقولك اعمل خط بيجو اقاليم وتلاقي السواق بقي يقول:لحظات واحد..واحد لحظات

Ahmed EIssa said...

مزمز:يبقي انت زيي بقي في نقطة مواجهة الخوف دي..دايما بعتبر ان الحياة بتعاملني بطريقة مختلفة عشان انا انا وان لو حد تاني مش حيحصل معاه كدة

همسات:لالالامتكبريش خليكي زي مانتي
وحتي لو كبرتي حيفضل طفل ده جواكي
وانا والله كنت بتكلم عني انا..اصلي من وقت للتاني بحب اواجه نفسي بحاجات بهرب منها

هبه:دايما عندك موهبه انك تكتبي تعليق احلي من البوست..حلو قوي الكلام الكبير ده
يجعل مزيج رائع لشخصية أكثر روعة..ده اللي هو انا؟

شيرمين:يا عزيزتي كلنا اطفال صحيح عندك حق

انسانة:لالالا اخيييييييرا حمد الله ع السلامة
كتكون صح.اناممكن اسيبه مع كاميكاز يلعبو في الجنينه
تعالي تاني واركبي المترو وانتي جايه بقي

Ahmed EIssa said...

كوبا:الاطفال احباب الله وانا اخد بالي من طفلي قوي..ربنا يخليهولي
اول مرة عندي ياعم كوبا ياريت اشوفك تاني..بتشرب قهوة؟

مي:الطفل اللي جوايا مش حيتغير..انا عارف نفسي
والاخطاء دي مش بتطلع من الطفل صدقيني..الطفل ده برئ جدا جايز برئ لدرجة انه بيعرف الغلط ومش بيعمله
الطفوله ليس معناها ان نكبر...ولكن أن تكبر معنا طفولتنا
حلو قوي التعبير ده..عندك حق

Ahmed EIssa said...

الملاح التائه:البقاء والدوام لله يا عمنا
ومقولتك صح..بس الطفل مش بيفقد البراءة ..خلينا نقول ان الطفل ببراءته بيدارو في لحظات كتير لانه مش بيعرف يتعامل مع عالم فقد البراءة

رودي:كان نفسي الاقي صورة الواد وهو مغمض عينيه..فلسفة الصورة نفسها انه مش عايز يسمع .وخايف انه يسمع او انه اكتر عنادا من ان حد يقوله كدة ..
والمشكلة ان احنا ككمان بنبقي عارفين ان الوحش بيخبط وبالرغم من كدة ممكن نكون مجبرين اننا نفتحله
انا يمكن قلت لك رايى فى البوست دا بالاخص
لانه بجد شدنى جدا..مش عارف ده مدح ولا ذم ؟؟

ندي:انا بقي اتخنقت من الطفل ده اللي مش عايز يسمع الكلام يعني اعذبه يعني ولا اعاقبه ولا ايه بالضبط؟

سمراء النيل:كلام في الجوووووون

كراكيب نهي:صدقيني الطفل اللي جوايا ده عنيد جدا وهو اللي مزود جنون الحياة يعني كدة ولا كدة في جنون

باشمهندسة انا افكر:طفلا اشيب الشعر..حلو قوي برضه التعبير ده

شيماء الجيزي:موهوبة تانية من اللي غاوي يكتب تعليق احلي من البوست
هندك حق في كل الكلام الكبير ده

وينكي:انتي كمان جبتي التايهه..مش حيعرف يتكيف مع العالم الخارجي..مشكلتي الابدية في عدم التاقلم

دايفد سانتوس:انت فين ياراجل؟طب والله وحشتني كلامك جاكد قوي ياعم عن السلام والارض والحرية وبتاع..ايه الكلام ده

Ahmed EIssa said...

نسيت
شكرا جدا جدا لكل اللي جالي وشرفني واعتذر تاني علي التاخير الشديد
يلا سلام