وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Thursday, April 19, 2007

لحظـــات

حين يغفل ذلك الزمن المهيب
ذلك الوقور الاشيب الصارم
عن لحظات
تشعر بها انك عاجز عن الكلام
تشعر بتلك الخفقة الزائدة بين ضلوعك
ترتسم علي وجهك ابتسامة مراوغة
ويشرد عقلك بعيدا

تقف في منتصف تلك القاعة حيث يلفك الظلام
تري سعادته في عينيها
تبتسم حين تراه يراقصها هو الذي لم يراقص احدا قبلها
تتدافع الذكريات في عقلك
ذكريات سهركما الطويل علي شاطئ البحر
والرحلة الطويلة للبحث عن عمل
وقيادته المتعثرة لسيارته العتيقة
تتذكر كم كانت صداقة رائعة تلك التي حظيت بها
وبالرغم من ابتعادكما الا ان نداء ايكما للاخر كان يكفي
تتذكر مزاحكما عن الفتيات
وبحثكما الطويل عن ذلك الحب الذي يستحق
وتلك الفتاة التي تستحق
تتذكر وتتذكر وتتذكر
تراه يهمس في اذنيها بكلمات تعلم جيدا انه لم يقلها لسواها
وتنتهي الرقصة
وتضاء الانوار
تسير بخطوات هادئة
يراك فيضحك
تحتضنه في قوة
تتضارب في عينيه ذلك المزيج من المشاعر الذي في عينيك
مبارك يا صديق العمر



حين تعانق يد حبيبتك
في ذلك الطريق المحاط بالاشجار
ازهار يانعه عزفت الوانها تلك الموسيقا المرحة
فتبدو وكأنها تفتحت من اجلكما
تداعبكما نسمات الصباح الباكر النديه البارده
اشعة الشمس الطفلة تتساقط كشلال ذهبي
تبتسم لمرآكما
كما يبتسم ذاك العجوز الجالس يحتضن جيتاره
تقتربا منه فيبدأ بالعزف
تتسابق اصابعه علي اوتار الجيتار
تبتسم حين تري في عينيها تلك النظرة الغير مصدقة
تتحرك بخطوات بطيئة علي انغام الموسيقا
تتورد وجنتاها خجلا
تجد نفسك وقد همت بملامحها الساحره
وبخطواتها المتعثرة
تشعر بأنكما وقد خلا العالم
في تلك اللحظة الابدية التي لا تنتهي
حبا لايوصف بكلمات
امانا لا تعد بعده الدنيا مثلما كانت
تنظر في عينيها اذ تتضارب بها ذات المشاعر التي تتضارب في عينيك
كيف ضاع مني كل هذا العمر دون ان اراك؟
كيف خلا اصبعي من خاتمك ؟
كيف نبض قلبي طوال تلك الفترة التي كنت فيها بعيدا؟
تتسارع الموسيقا
تتسارع خطواتكما
تتسارع خفقات قلبيكما
وتتعالي الضحكات

حين يتحول قلقك العارم الي ابتسامة مبللة بالدموع
حين تسمع صرخة ذلك القادم الجديد
حين تري الضحكات في شفاه من حولك
الفرحة في عيون ابيك
دمع السعادة في عيون امك
تهرع ملهوفا الي تلك الحجرة المغلقة
تنظر بعيون متسائلة لتلك الفتاة ذات الرداء الابيض
ترتسم علي شفتيها ابتسامة مشفقة
وحين تفتح الباب
تراها
ملاكا رقيقا منهكا شاحبا
تهرع لتحتضن ايديهامطمئنا
تبتسم
ترفع يديها المجهدتين لتريك ذلك الطفل الذي يشبهك تمام الشبه
تجد ذلك المزيج من المشاعر يتضارب في عينيها
وبين بكائك تحفر ضحكة طريقها بين ملامحك
حين تهمس في اذنك
هل يكفي حب الدنيا كي احبك مرتين؟




28 comments:

maha said...

لحظات سردتها انت بكلمات لم اجد في روعتها مثل
لحظات عشت بعضها او لنقل الكثير منها في حلم جميل بأنتظار ان يتحقق

عندما تحكي عن لحظات بداية حب ...و بداية حياه و اجمل اجزاء القصة
عندما تري تلك التفاصيل في عينيك و عين من تحب ....
لا اجد ما يصف تلك الفرحة بداخلي و انا اقرا كلماتك
حلم لا اجد اجمل منه و لا اروع

بانتظار تحققه

و لا اجد ما اختم به ردي سوي ابتسامة لا تزال تحتل نفسي

سلام يا احمد
مها

قصاقيص said...

اسلوب تاني لسرد التفاصيل وزاوية مختلفة لوصف التسلسل والرسم بالكلمات ورؤية فوق رائعة لكتابة قصه غير محددة الابطال
بجد..........
روعه روعه روعه
.........
كلماتك رقيقه اوي
3 مشاهد بس ملخص شفاف لمشاعر دافية جدا
............
تحياتي علي بوستك الجميل ده

dyin_soul said...

ماذا أقول بعد هذه الكلمات الرائعات
أجمل من الوصف الأول لتلك الليلة الحلم هي تلك المشاعر الفياضة التي وصفتها في النهاية
ما أروعك و أرق كلماتك

حين تهمس في اذنك
هل يكفي حب الدنيا كي احبك مرتين؟


مرتين فقط بل عدد الاف المرات و ملايينها بل قل الي ما لا نهاية

ما أروع هذا البوست

Dalia said...

كلماتك رائعه جدا

tearwhispers said...

حقا لا أدرى ماذا اقول
اسلوبك غاية فى الرقة و الروعة
صورت اجمل المشاعر باجمل اسلوب رايته حتى الآن
حقا بوست رائع
و انت رومانسى رائع

شيماء الجيزى said...

الله يا احمد
كأن كلماتك خارجه من احساس عايش فى تلك اللحظات
قد كده احساسك عميق
بجد تحياتى ليها
وعارفه ان كلماتى قليله وبسيطه
لكن انا فعلا مش قادره اعبر
ابدعت يا احمد
تحياتى

bos bos said...

كلمات أكثر من رائعة وتفاصيل جميلة جدا ودقيقة
مش لاقية كلام أقولة بعد الكلام ده

buffy said...

ahmed i live this post so much raw3a we e7sas 3aly gdn bgd to7fa

35L said...

ya basha enta ragel 100 100

أحمد عيسي said...

عشان متأخرش المرة دي زي كل مرة تبدأ بسرررررررعة ونقول

مها:خلاص يعني حجزتي اول كرسي في مقاعد المعلقين علي طول كدة..حاجة تسعدني بجد اشوف بقي بتقولي ايه كدة

اجمل اجزاء القصة
عندما تري تلك التفاصيل في عينيك و عين من تحب

عينيكي بتشوف اللي بشوفه..فعلا دي احلي حاجة في اللقطات التلاتة

عندما تحكي عن لحظات بداية حب ...و بداية حياه

بحب قوي البدايات علي فكرة وعلشان مهندس رزل اقولك ان دي الاساسات بتاعة اي حاجة لو صح مش حتقع
تحياتي..لالالا الف تحية وانا كمان بانتظار تحقق الاحلام

قصاقيص مي:غير محددة الابطال لان اي حد ممكن يفرح..هو الفرح مقصور علي حد؟
فيه لحظات تانية كتير بتفرح بس دي اكتر 3 حاجات لامساني قوي
ايوة كدة خليكي شطورة ومتتاخريش تاني


هبه:ليه بتقولي كلام صعب كدة مش عارف ارد عليه؟بتثبتيني يعني؟
عامة مش حتثبت بقي..

داليا:دانتي اللي رائعة والله بلوجك هايل كنت فيه بس الاكبلورر عندي بيحتضر..ابقي تعالي تاني بقي

تيرسويسبر:وانا اقول ياربي مش غريب عليا الاسم..شاهي؟عاش من شافك
ان رومانسي رائع..ربنا يجبر بخاطرك..عارفه المدونة دي بتوريني احلامي قدامي..بس


شيماء الجيزي:مش عارفه تعبري؟شيماء؟انتي كويسة؟سامعاني؟
الحقيقة اني في لحظات عشتها يوم فرح اسامة صاحبي كنت مبسوط وعاجز اني اتكلم حتي من الفرحة ..والباقي مستني احققه مع حد واحد بس..مش حتحلي الدنيا من غيره

بوس بوس:وانا والله مش لاقي كلام اقوله بعد كلامك
مش بتيجي ليه ها مش تبقي تيجي؟

بافي:ثانك يو فور كومينج باي يا بافي

:ياباشا انت اللي ميه ميه والله 35l

نفسنا said...

كلمات فوق الوصف ومفيش رد يقدر يشكرك

ba7re said...

البوست كله على بعضه تحفة من الكلمات و التعبيرات و الالفاظ
حاجة حلوة اوى
بس اتغظت من الجملة دى
مبارك يا صديق العمر
لانها تحمل معنين
هههههههه
و تصبح ع خير يا أحمدددد

محض روح said...

لحظات تستحق الاعجاب
دول اكتر 3 لحظات صعب نغفلهم
علشان بتقوم بعدهم حياه جديدة
يمكن لحظات الميلاد
بيجي علينا وقت بنحس اننا اتولدنا من جديد بمشاعر وذاكره واحساس محسنهوش ابل كده

حلو جو الحميميه الي فى البوست

تحياتي يافندم

buffy said...

bgd gmel awy ya ahmed ana 2reto mrra tania ygnn

علي الألفي said...

هل يكفي حب الدنيا كي احبك مرتين؟


يخرب عقلك يا واد يا احمد
بجد عبارة روعة
و غرييب يعنى ما يبانش عليك

أحمد عيسي said...

نفسنا:متشكر ياجماعة ..والحلم حلو

دودي:مبارك ياصديق العمر لا تحمل سوي معني واحد انت اللي نيتك وحشة يا دودي
بس منورني..وبلاش تخبط في الحلل
وانت من اهله

محض روح:فعلا دي لحظات البداية..وانا بحب قوي البدايات..
بيجي علينا وقت بنحس اننا اتولدنا من جديد بمشاعر وذاكره واحساس محسنهوش قبل كده
هي دي احلي حاجة في اي بداية..اللي قبلها مش زي اللي بعدها
حلو موضوع افندم ده علي فكرة

بافي:مش عارف اقولك ايخ بجد برنسس صحيح..متشكر قوي ان البوست عجبك

علي بن الالفي:معلش انه ميبانش عليا..طب بذمتك مش كدة احسن.امال فين المفاجأة

همسات said...

تحفة يااحمد تحفة بجد
اسلوب السرد يشد الواحد من غير ما يدرى لغاية ما يوصل لأخر البوست وهو مش حاسس
بجد جميييييلة اوى ورومانسية جدا ومعبرة بطريقة حلوة اوى اوى اوى

smraa alnil said...

مش عارفة اقولك ايه
بس بجد لحظاتك وهمية خلتني اعيش لحظة غريبة اوي

مش بقولك كتاباتك فيها شبه من كتابات حد اعرفه :))

esraa said...

جميله أوي ياحمد
كأنها حد كان بيدور علي الشط والراحه وأخيرا وجدهم

متغيرة شوية said...

العمر كله قصيدة شعر حلوة

أنا أفكر إذن أنا موجود said...

كلمات جميلة وبسيطة
وصف لعمر كامل في ثلاث مشاهد
يا ريت العمر يمشي على التقسيمة دي
ويكون بنفس النهاية دي

واللي أعتقد أنها نهاية مثالية جداً
رغم انها طبيعية جداً من أولها لآخرها

لكن في زمنا دلوقتي الطبيعي بقى غير طبيعي

معلش يا أحمد .. دور الاحباط اللي الواحد عايش فيه .. مخلي كل شئ مغلف بالأحباط

بس البوست عالي الأحساس كالعادة روعه بجد

ومثالي زيادة عن اللزوم

shermen said...

أخيرا قدرت أفتح صفحة الكومينت وأعلق
-----
أنا زعلانة جدا منك جيت بصيت بصة كده ومشيت وقلتلي راجع تاني ولا عبرتش
---------
نعلق بقى بجد
----------
الكلمات اللي انت كاتبها أكثر من رائعة ووصفك للمشاعر يستحق التقدير
تحياتي
بوست رائع
------
سؤال
انت ليه شيلت اللينك بتاع مدونتي من عندك ؟

gogo we bas said...

بجد مش هقدر اقول اكتر من اللى اتقال قبلى ...بس اكتر حاجة لفتت نظرى ان اسلوبك فى الكتابة يشبه اسلوب والدى جدا...كله تلقائية ولازم تعيش كأنك انت اللى بتحكى شئ شايفة قدامك

رائع جدا

أحمد عيسي said...

همسات:حمد الله علي العودة الي القواعد سالمة..والحمد لله ان البوست عجبك..خصوصا بعد سلسلة المواقف التي لا تنسي..انا متابعها جدا بس بجد مش بلاقي كلام اقوله عليها

سمراء النيل:ده يبقي لي الشرف يا انجي لما يبقي اسلوبي شبه حد تعرفيه..
والحد ده عبقري جدا ومش انا اللي بقول..

اسراء:ياااااااه اسراء انتي فين يابنتي من زمان
كله بيدور في فلك البدايات..انت بتدور علي باداية استقرارك مش اكتر من كدة
انا كمان حسيبت براحة لما خصل مش عارف ليه
ابقي تعالي يا اسراء..فين الواجب بتاع زمان انتي نسيتي؟

متغيرة شوية:عندك حق..ومتشكر علي متابعتك

شيرمين:ياباشا وهو انا اقدر اشيل اللينك بتاعك من عندي؟انا بس كنت بغير الديكوراشن بتاع البلوج زي مانتي شايفه وفي حاجات راحت في العزال والتوضيب وكدة بس اللينك موجود اهو منور
ولما قلتلك جيت ومجتش يبقي اكيد النت عندي فاصل..الوصلة مبهدلاني بجد ومش عارف اتابع ولا اعلق عند حد بالرغم من ان النشاط التدويني اليومين دول جامد قوي والبوستات اللي بتنزل كلها روعة
تحياتي انا انك جيتي..ومستني بقيت القصة

انا افكر:باشمهندسة بلاش التشاؤم ده انا عارف انك قريتيه في وقت كان مزاجك وحش بس والله ساعات في لحظات في حياتنا بتبقي اكتر من مثالية
وانا حاسس بيكي ومعاكي والله يصبرنا كلنا

جوجو:برضه ليا الشرف ان يبقي اسلوبي شبه اسلوب والدك مع الاحتفاظ بفارق السن والخبرة والمقام طبعا..
متشكر علي النتابعة وابقي تعالي حعمل تكعيبة تانية عشان نشرب قهوة كلنا مع بعض بعد كدة ..

Esmeralda said...

قصه رومانسيه شعريه باسلوب بسيط

بجد حلوه :)

أحمد عيسي said...

ازميرالدا:الله يخليكي يارب واتمني تكوني عندي هنا علي طول

one true thing said...

الله الله بجد
ايه الروعه ديه بجد والله
يتشل الكلام عن التعبير عن جمال هذه القصه
بجد احساس فوق الرائع اكتر شي لحظته التفاصيل التي توصف بيها الاشياء
سواء كانت مشاعر اما نظرات اما الناس واشكالهم
بتحسسني اني قاعده في القصه
بجد تحياتي يافندم
مدونه اكتر من رائعه

will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人