وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Friday, February 23, 2007

كريشيندو




وسط جموع الراقصين المحتشدة راها تجلس وحدها...تنقر باصابعها علي المنضدة المستديرة علي انغام الموسيقي
التقت عيناهما فابتسم الا انها لم تبدي اي اهتمام
شعر بنظرنها الحالمة تخترقه كانما تنظر من خلاله علي ما هو ابعد وابعد
وحينما رأته يحدق بها توردت وجنتيها خجلا
شعر بقلبه يخفق بقوة
ودون ان يشعر قادته قدماه اليها...
حارت فيما تفعل...تلفتت حولها في ارتباك..وقف امامها عاجزا عن الكلام
التقت اعينهما ودار بينهما حوارا طويلا بينما وقفت الشفاه ترقب صامتة
انقذه الايقاع الثلاثي المميز لموسيقي التانجو
امتدت يده اليها في وجل قائلة "اتسمحين؟"
راوغت يدها عقلها الرافض...
شعرت بقلبها يخفق بقوة حين لامست يده اطراف اصابعها
استسلمت للمسة يده الحانية وهو يقتادها الي حلبة الرقص
وقفت امامه في ارتباك بدا في اختلاج جسدها وارتباك خطواتها
وضع يده علي خصرها وامسك بيدها الاخري
ابتسم قائلا في صمت
اطمئني..
لم يصدق كم هي جميلة الا حين اقتربا
لم يعلم كم هي ضعيفة الا حين راي نظرتها المرتبكة
ابتسم مطمئنا اياها في صمت
فابتسمت
ومع البداية الهادئة لموسيقا التانجو وتناغم اصوات البيانو والكمان
شعر بانه قد وجد لحياته مستقرا
شعر بدفء عجيب يحيط بقلبه الذي كان خاويا كالاطلال الخربة
وفي هدوء ابعدها ...راها تستدير كالفراشة الرقيقة..لم يتحمل بعدها فضمها اليه ثانية
وضع يديه الاثنتين علي خصرها فاحاطت رقبته بايديها
الايقاع يتصاعد
تعلو اصوات البيانو لتاخدهما الي عالم بعيد
الي حلم لم يعيشاه سويا
عالم تناغمت فيه زرقة السماء واشراقة شمس يوم جديد
علي محيط هادئة امواجه
في جزيرة كانما خلقت لهما
بدا وان اقدامهما قد دبت فيهما حياة خاصة
تدور...وتخطو..وتعدو ..
امالها في رقة شعرت بها من نظرته القلقة
واضعا يدها خلف ظهرها
لن تسقطي وانا بجوارك
لن تسقطي فانا دائما معك
رفعها ونظر الي عينيها
ضمها فقالت عينيه
معك...اولد من جديد
الايقاع يتصاعد
تعلو انفاسهما مع دقات الطبول الاسره
تدور معه في حلقات متتابعة متسارعة
تشعر كريشة في مهب ريح عاصف
لقد حطمت قيود عالمي
معك شعرت بأمان طفلة في احضان والدها
لقد اختطفتني من عالم الاموات
فاحييتني
الايقاع يتصاعد
تدوي اصوات الكمان الثائرة كالبركان
ازداد ضربات الطبول قوة
رفعها عاليا فشعرت انها تطير
انت ملكتي..
سمعتها دون ان يقولها...
شعرت بها في حركاته الواثقة الحانية
ضمها اليه مرة ثانية لينظر الي عينيها نظرة خاطفة
استسلما تماما لشلال الموسيقا الاسر يحرك جسديهما حركة ذاتية
انا معك...ولن نفترق
انا معك..ولن نفترق
ومع توقف الموسيقا شعرا بانهما قد اقتلعا من عالم اخر
فعادا الي عالم الواقع
وجدا الراقصين يحيطون بهما بأعين تصرخ منبهرة
نظرت له نظرة شاعرة انه الوداع
فقد توقفت الموسيقا وانتهي الحلم
صمت قليلا حتي هدأت انفاسه
صدره يعلو ويهبط عالما انه لابد ان يتركها
فقد توقفت الموسيقا
وانتهي الحلم








15 comments:

malish_da3wa said...

حلو جدا جدا
ممتاز
متحرمناش من الحاجات الرومانسيه الحلو ه دي ابدا

eskandrany said...

الله يا باشا....يسلم قلمك ...احم...قصدى يسلم كىبوردك...
يااااااااااه...قلبت عليا المواجع
ايه الجمال ده
عارف انا حاسس انى بتفرج على فيلم او واقف ادام لوحة جميلة
اول ما خلصت حسيت ان حد خبطنى على دماغى اصحى يا اسكندرانى
اصحى من الحلم الجميل ده
أيوووووووووووووووووه يا جدع

أحمد الشمسي said...

جميلة قوي الفكرة... يعني انك تستخدم الإيقاع والحركات الراقصة في السرد، شيء عظيم، بس رأيي ان النهاية كانت مرتبكة شوية! وفيها جمل اتكررت، ومتهيألي كانت هتبقى حسن لو اتسابت مفتوحة عن انها تتقفل القفلة التقليدية دي!
بس في كل الأحوال ده ما يمنعش انها حلوة فعلا!

Unknown said...
This comment has been removed by the author.
Unknown said...

بجد تحفة
جميلة قوي
بدات تنضج كمدون اهو وتطلع اللى جواك

استمر يابني استمر
منك لله قلبت عليا المواجع

ما تيجي نرقص تانجو في الشارع

buffy said...

gamela gdn we ra2e2a moot ua ahmed to7fa ,hwa enta kan 3ed meladk elshahr dah kol sana wenta tyb ya prince

smraa alnil said...

يا لهووووووووووووووي
دة انا هروح فيك في داهية يا احمد
ايه الابداع دة كله
دة اللي كنت برقص مش هي
وانا في نفس الوقت الولد مش هو
عيشتني في حلم جميل

اقولك
انا كنت عاملة بوست اسمه رقصة مع المطر
بس انا بقي كنت برقص فيه باليه
لكن انت تانجو
ياريت تبقي تقرا وتقولي رايك في ايه
بس يا لهوي دة انا متاخدة من البوست دة
اتخطفت يعني
يسلم قلمك

Malk Almasria said...

كتبت فأبدعت
لك منى الف تحية على السمفونية الرائعة التى عزفتها من اجلنا


ملك المصرية

maha said...

سلام عليك يا احمد
كده احنا دخلنا في نطاق توادر الخواطر ...لالالالا كده خطر جدا لاني كنت ناوية اكتب موضوع شبه ده بس انت كده هتخليني اغير الخطط الاستراتيجية بتاعتي
يلا و لا يهمك
بس بجد تحفة جدا master piece
احيانا و انا بقراها بحس ان انا شايفاهم و احيانا بحس ان انا البطلة و لكني مش عارفة هو مين و ساعات بسمع كلام البطل بيتقال ........
تحفة تحفة تحفة
و انا بسمعها شغلت جنبي موسيقي الرقصة في فيلم scent of a women لالباتشينو

مش عارفة شكلي هفضل ااقول تحفة للصبح
ابداع بجد
سلام
مها

sofinqoraso said...

عارف بجد احلى حاجة فيها الوصف
يعنى التفاصيل الدقيقة للاجواء المحيطة بيهم
الأهتمام بالتفاصيل دايماً بيدى اللوحة طعم تانى
خاصة لو لوحة رومانسية
حقيقى استمتعت بكل كلمة فيها

أحييك

محض روح said...

جو رومانسى يجنن بجد بوست رائع وفصيلاتك تجنن
عملت جو جميل
عيزن حجات كده كتير تشيل شويه من على الواحد الى هو فيه

Unknown said...

فكرتها حلوه (:

Ahmed EIssa said...

السلام عليكم جميعا منورني والله
قبل ما ابدا كريشندو هو التصاعد التدريجي في الايقاع..سواء موسيقي او اغاني او مسرح او...

ثانيا:الايقاع الثلاثي لموسيقا التانجو..هي دي غلطة..ايقاع التانجو رباعي مش ثلاثي.ححدث واغيرها بس كان لازم اعترف بالغلطة وتصحيحها

ماليش دعوة:سمسم ياجميل ربنا يخليكي

اسكندراني:دايما بتثبالي ان الاسكتدراية فعلا جدعان ودمهم شربات.ابقي تعالي ياعم انت بتطول في الغيبة دي ليه

دكتور احمد:الجمل المتكررة كانت مقصودة لاني كنت عايز أاكد ان الاتنين بيفكرو في نفس الحاجة مع بعض..النهاية المفتوحخة انا فكرت فيها وبيني بينك لقيتها تصدم..صدمتني انا شخصيا وحسيت بانقباض عشان كدة قلت لا بلاش احسن
حلوة...الله يخليك يادكتور

جيرونيمو:كلام جامد قوي علي مدون غلبان زي حالاتي
لو انتي مستعدة ..يلا معنديش مانع..نعمل بارتي كبيييير في الشارع ونرقص تانجو..بس المشكلة في بوكس الاداب بقي مش حيسعنا كلنا

بافي:وانتي طيبه..ميرسي قوي قوي

سمراء النيل:كلام كبير قوي قوي بجد .حقرا بوست الباليه مع اني اعتقد اني قريته قبا كدة وعجبني ..

ملك المصرية:الله يخليمي..السيمفونية دي كنت بعزفها ليكو ولنفسي لان حلم حياتي فعلا اني ارقص تانجو مع خطيبتي يوم خطوبتنا..يلا بقي ادينامستنيين

مها:توارد الخواطر؟انا كتبت البوست ده وانا بسمع موسيقي التانجو بتاعة فيلم عطر امراه..ده مش توارد خواطر كدة الموضوع كبيييييييير
ميرسي ليكي كتير كتير يامها

sofinqoraso : ميرسي بجد..اي تفاصيل بتدي اللوحة معني

محض روح:اوعدك اول مييجي فكرة تانية زي دي مش حقول لا بس هي تيجي..وميرسي علي متابعتك

اسراء:مش عارف انتي بقيتي بتتكلمي بالقطارة..انتي مخاصماني ولا ايه..فين الواجب بتاع زمان
بس عامة ميرسي ان فكرتها عجبتك

يلا سلام

شيماء الجيزى said...

عزيزى ..احمد كم كنت رائعاً فى وصف لحظات ما بين احلامنا والخيال العميق وكم كنت رائعاً فى وصف دقائق لكنها بالنسبة لعاشق دهراً

ولنعترف جميعا ان هذا اللحظات تلاطفنا من الحين للاخر وتداعب احساس يعيش بداخلنا

والدليل انه مس هذه المشاعر فعاشت معك كل اللحظات

احمد..انت رقيق المشاعر عميق الاحساس تستطيع ان توصل احساسك بكلمات معبرة
اشكر لك احساسك ودامت مشاعرك

بـِصَمتـِـ أميرة ــــى said...

سمعتها كرشنه منه كثيرا اثناء ؤقصتهما
سمعتها من يده التى نبضت عروقها على ظهرها وهو يضمها اليه
سمعها من ذلك الدفء الذى انبعث من انفاسه حينما دنت من وجهه دون ان ينطقها
نطقتها كل حواسه فسمعتها كثيييييرا
بجد رئيئة وجميلة اوى
ياريت الرقصة ماخلصتش
ياريت الموسيقى ما وقفتش
ياريتنا فضلنا كدة على طول
ياااااااااه
دايما تصحو الواحد كدة بعد مايكون اندمج مع الاحساس بالحروف