!!!

متوقف حاليا عن الكتابة لعدم وجود ما يقال

فقط تتردد في عقلي اغنية محمد محيي

اتخنقت..وطلعت كنت بضيع وقت

وتلك الجملة التي لا اذكر اين قرأتها

لقد درات العجلة بأسرع مما استطيع ايقافها

ولمزيد من تنكيل الذات ارتدي بول اوفر واشعر بحرارة تقتلني

!!

وحشتني مصر

واصحابي

واهلي

والبحر اللي لما كنت بتخنق بطلع عليه في عز البرد واقعد ازعق واتكلم مع نفسي ومعاه

و

و

....

!!

الكلمتين دول بيوصفو حالتي بالضبط الشهور اللي فاتو

عشت ايام مش في بالك زي الجحش في السباق

عشت عيشة صعبة ناشفة عيشة خلت خلقي ضاق

اتبهدلت اتعذبت قالو عني خلاص هموت

اتهزقت واستحملت بردو قالو انا شاب توتوت

الحمد لله انا مش زي اي فكرة اتخدت عني هنا..وانا عارف كويس ان لما استقرودماغي تهدي حبقي اللي انا عايز اكونه

ان شاء الله

انا عارف نفسي كويس

عارف قدراتي

عارف اللي اقدر اكونه واللي حكونه

!!

علامات التعجب دي لاني مستغرب من اللي حصل مش اكتر

ويمكن عشان بفكر ان دي ممكن تكون اخر تدوينة ليا

رغم الوحش اللي اسمه الفيس بوك الا اني بحب مدونتي جدا

مبقدرش استغني عنها حتي لو بقت زي الخرابة محدش بيدخلها

ويمكن ربنا يسهلها ويعدلها باسرع مما اتوقع

"وفي السماء رزقكم وما توعدون"

الحمد لله علي كل حال

!!

في الاخر امانة

اي حد

اي حد يدخل هنا يدعيلي

يدعيلي قوي

وانا كمان حدعي

يااااااااااااااارب