وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Saturday, August 16, 2008

تهييس

في عز المعمعة اللي انا فيها وفي درجة حرارة 63
وفي وسط خلافاتي مع الفورمان السوري المجنون والحداد الباكستاني اللي عنده شلل رعاش"شخصيات حقيقية حتكلم عنها بعدين في قصة حياتي كفاحي يا ولاد الـ....
الاقي تاج طاير حاير جامد جدا باعتاه ليساندرا
ولان التاج عاجبني جدا عايز اجاوبه وانا رايق
في خبر تاني مستني يجيني خبر تأكيده اول متأكد منه حقوله علي طول
وعندي بكرة امتحان الرخصة..ومن اللي بسمعه حاسس اني ممكن اسوق طيارات بالرخصة الاماراتي دي
وحاسس ان المدونة بقت زي الخرابة محدش بيزورها والتراب فيها معشش في كل حتة
وحاسس ان البوست ده ملوش لزمة اصلا بس انا عايز اتكلم وافضفض
في كلمة شفتها في مسلسل scrubs
علي لسان البطل جي دي
"من المزعج ان تشعر بالوحدة حينما يكون حولك العديد من الاشخاص"

6 comments:

Lyssandra said...

يمكن محدش بييجي كتير لأنك نسيت الناس شويه

ويمكن لأنك مش مهتم زي الأول

وأنا حذرتك لده قبل كده بس انت ما أخدتش بالك من النصيحه دي

عموما كل شئ في إيدك لسه

ممكن ترجع بالمدونة لفوق مستواها الأول

=========
من المزعج ان تشعر بالوحدة حينما يكون حولك العديد من الاشخاص

هوا في الحقيقه مش احساس مزعج

ده أحيانا بيكون احساس قاتل

===========

تحياتي ومبروك للمدونة الجديده

lyssandra

maha said...

سلام عليك يا احمد
ربنا يعينك علي مصاعب رحلة الكفاح
ان شاء الله ربنا يوفقك و تحقق كل اللي تتمناه
..
مش فيه تراب و لا حاجة بس ان شاء الله ترجع تكتب زي الاول و احسن
..
ممممم خبر ايه ؟؟
انا لو اعرف ااقول علي طول :)
...
مبروك علي المدونة الجديده بانتظار بوستات كتييييييراوي
..
علي فكرة مش شرط لماتكون وسط الناس انك تحس انك معاهم
ممكن يكون حواليك الف انسان و حاسس انك لوحدك
و ممكن تكون لوحدك و جواك عايش الف حاجة تحسسك بالونس و انك مش لوحدك
:)))
يا رب ما تحس بالوحده ابدا يا احمد

سلام
مها

Unknown said...

انا جاية ازور و اسلم اهو :)
عشان بس العيش و الاستراكشر اللي كان بيننا ايام الكلية :)
على فكرة عاوزة اقرأ كفاحي ..
بس تصدق الوقت عندي يا احمد مسروق اوي
انا بشتغل من 8 و نص لحد 6 بالليل
و برجع البيت متأخر اوي
ربنا يسهل
:)

فوكيره said...

مممم احنا بنيجي بشكل دوري

بـس انت اكتب وملكـش دعوه

اعانك الله يا كــونت

محمود حسن العدل said...

ازايك يااحمد
لا احنا اكيد هانزورك كتير اوى فى كل بوست ..
انت بس اكتب واحنا لازم هانجي
اوقات نشعر فيه اننا مش طايقين روحنا فااول حاجة هانعملها اننا هانجى مدونتك لانها اوفر بكتير من القاعدة على القهوة ..عموما تحياتى بوست زى اللى قبلة
تحياتى ياابوحميد

gogo we bas said...

سبحان الله

ناس تروح وناس تيجى
وانت نفسك تسافر وتبعد وبرضه هيا هيا........ صورك كلها تزينها التكشيرة الجبااااااارة

حراااااااااااااام عليك

يابنى اضحك.. ابتسم .. ورينا حتى سنانك
(اللى اصلا شكلهم مش موجودين)

ماتخفش ياعم المدونة بتترش كل فترة وبتتكنس كمان والعنكبوتات نفسها طفشت من تكشيرتك فى الصور

والله ليك وحشة يا باشمهندس