وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Thursday, July 31, 2008

كالعادة...انا غلط


يظهر كدة ان دماغي غلط...متركبة غلط يعني
الحلو اشوفه وحش والوحش اشوفه حلو
اسمع كلام...افهمه غلط
اسمع كلام متقالش اصلا
ويمكن في كلام مش بسمعه
مغيب عن الواقع
في عالم لوحدي بخلق مشاكل من مفيش
عندي بارانويا..عقدة اضطهاد يعني...الكل مضطهدني وبيعاملني وحش
ويمكن اي اتنين بيهمسو بيتكلمو عليا
وعايش في عالم كله مؤامرات..عليا طبعا
.
.
.
.
.
ادعولي ربنا يشفيني

5 comments:

lyssandra said...

مالك يا أحمد

اللهم اجعله خير

إيه اللي يخليك تقول كلام زي ده
مع اني تخيلت لوقت ان الأمور معاك تمام جدا

أتمني اللي بتقوله ده يكون مجرد حاله مزاجية سيئة تاخد وقتها وتعدي

وأتمني البوست اللي جاي تكون أفضل من كده أوي ي ي ي


تحياتي
lyssandra

Hassnaa said...

um .. 3la fekra momken tkoon fatra we hat3ady .. aw mesh merakez showaya .. en sha2 allah kheer .. :S

زى الهوا said...

لأ مش هندعى ربنا يشفيك , لأن حضرتك تمام ومش فيك اى حاجة , هوه ساعات بس كدة الدنيا كلها بتتسلط على البنى ادم , صلى ركعتين كدة بس واهدى وهتبقى تمام , ومايهمكش كلام الناس , ولا رأيهم فيك

gogo we bas said...

اقولك حاجة
عايز تعرف اللى بيحصلك ده

ادخل فيلم اسف للازعاج
هتحس انك المؤلف بس مع فوارق بسيطة


طب والله العظيم مابهزر
ادخل بس الفيلم وقولى رأيك فى كلامى

وينكى said...

وانا اللى كنت جايه اعاتبك واقولك زعلانه منك انك اختفيت وبطلت تسأل عليا وماباشوفكش على اون لاين
ايه اللى حصل لكل ده يابنى؟؟
كلامك بيدينى ايحاء ان حد هز ثقتك بنفسك كده غلط يا معلم
لو ماوثقتش فى نفسك هاتثق فى مين
ولو ماصدقتش نفسك هاتصدق ايه؟
جميل انك تحاول تقيم نفسك وتصلح اخطاءك من فترة للتانيه
بس بلاش التجنى على النفس ده
اهدى كده وروق
ولو كنت غيرت نمرة تليفونك كلمنى عشان مش عارفه اوصلك بقالى قرن غزال
:P