وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Sunday, July 27, 2008

لانهم يسقطون الواحد تلو الاخر


لانه قضاء الله ولا راد لقضائه..ولاننا يوما ما جميعا ما سنذوق من ذلك الكاس..ذاق منه قبلنا الكثيرون وسيظل الجميع واقفا في ذلك الطابور الطويل منتظرا كدجاجة في قفص...ولانني شخصيا اتهافت لكي لا انتظر دوري في ذلك الطابور الطويل واتمني من الله تلك الدقيقة قبل الاخري لكي يكتب احدهم تلك التدوينة عني يوما ما ...اكتب فأتذكر يوسف ابن معتز صديقي منذ المرحلة الثانوية..ومريم ابنة اسامة ذلك الصديق المخلص الذي اهدته اياي الدراسة الجامعية...اتذكر شريف ذلك الوغد الذي تزوج دون ان يخبرني ومحمد صديقي العتيد الذي يقف امامي وربما خلفي في طابور الذين لم تزين ايديهم اي خواتم من اي نوع..بالطبع فنحن لم نفترق يوما وبيننا رهان علي من تتبقي يده خالية من الخواتم..ربما تزوج خالد فلم اسمع عنه منذ فترة وربما تقدم مصطفي لخطبة احدهن
ماعلمته امس هو ان احدهم قد سقط..ذلك الاحدهم يستحق مني كل التهنئة باعتباره اكثر من تحملني في العالم بأسره واكثر من شعرت بانه قريب مني...اعرفه منذ زمن طويل ومابيننا اكبر من اي حديث..اتذكر يوم اوقفنا شرطي في الشارع ليسالنا عما اذا كنا اخوة فالتشابه بيننا محير بالفعل

علي الالفي
مبروك الخطوبة
كان نفسي اكون موجود يومها...ملحوقة اكبس عليك في فرحك ان شاء الله



9 comments:

Meekness !!! said...

الف مبروك لصديقك يا احمد

و عقبال سقوطك يا فندم




زيزي

maha said...

سلام عليك يا احمد
عديت علي مدونة علي بس ملاقتش حاجة عن الموضوع
يلا مش مهم
يا رب يسعده هو و خطيبته يا رب
:)
عقبالك :)
سلام

قلب يحترق said...

لولولولولولي

مبروك يا أحمد و عقبالك ان شاء الله عاجلا غير آجل

buffy said...

congratulations to ali elalfy :))))))))))

gogo we bas said...

هههههههههههه

يا سااااااااااااااااتر
اقولك ايه بس .. على راى المثل الشهير
كلهم بيقولو كده فى الاول
ومسيرك هتدخل القفص وتقع يا باشمهندس


من حق....
اسيبك كام يوم ارجع الاقيك طفشت من البلد؟؟ ايه الحركات دى بقى

عموما ربنا يوفقك
تصدق والله كان واحشنى كلامكو قوى

عقبال ماشوفك متدبس زى على قريب ان شاء الله وصوابعك يبقى كلها خواتم

sakayar said...

إذن فلنرفع الكتاب ونعلي الجواب
و
و
و
لولولولولولي
مبرووووووك بقالي كتير مجيتش لكن حلو اني آجي على هذا السقوط
ومعلش مش هعرف اقف معاك ف الطابور اصلي وقعت من زمان

Ay Tarkan said...

ألف مبروك لعلي الألفي الجبان اللى خطب ومقالش
عقبالك ان شاء الله يا بيصي تتجوز وتجيبلنا واد و نشيل الواد م الأرض..و قطعا بعدها هنقدر ندي الواد لأبوه
قلبي المؤمن بيقوللي ان الطابور بيخلص والدور عليك...ماتنساش تجيبلي معاك عشرة وشنطة

lyssandra said...

مبروك لعلي

وعقبالك إن شاء الله

معلش يا احمد

لو خلص الطابور

الأخير ربه كريم

سلام

lyss

علي الالفي said...

الله يبارك فييك يا صديقي اللدود


يااااااااااااااااه يا ابة حميد
فكرتني بيوم العسكرى
ربنا يخلينا لبعض يا صاحبي و ترجع بالسلامة