وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Friday, January 04, 2008

عن هؤلاء الذين يظهرون في حياتك بغتة ثم لا يختفون!!!

انهم عديدون...كثيرون..يملئون حياتك الصاخبه فيزيدوها صخبا...تسير بك حياتك كقطار مسرع تحاول جاهدا ان تكون علي متنه..هم من وجدوا في حياتك بشكل ما كي يعيقوك عن اللحاق بذلك القطار...لست بتلك الاهمية في حياتهم..دعك من المزاح..انت محور حياتهم..كل منهم يستيقظ من نومه فزعا ان تكون قد استيقظت قبله فمرت تلك الدقائق من حياتك في هدوء بدونه..كل منهم يفكر كيف يحيل حياتك جحيما
ربما تسأل نفسك كيف اقتحم حياتك...كيف ادخل نفسه في ذلك المحيط الضيق الذي تتحرك فيه ...ربما تسأل نفسك اين وكيف ومتي..لماذا وماذا...ضحكة..سلام..ربما كلمتين وعنوان!!...انهم عديدون..كثيرون ..يملأون حياتك الصاخبة فيزيدوها صخبا..ربما كان رئيسك في العمل..ربما كان زميل دراسة..ماذا عن تلك الفتاة التي احببتها في صمت وظل حبها يؤرقك ..تسير في الطرقات بعد كل تلك السنين فلا تنسي كيف مرت بجوارك يوما ما فخفق قلبك ولم تع ماذا تفعل..؟..ماذا عن ذلك الفتي البدين الذي كان يوسعك ضربا في المدرسة؟؟..وبائع الخبز العجوز الذي كان ينهرك عندما تتأخر في جمع الخبز الساخن في تلك الحقيبة البلاستيكية..كيف كنت طفلا تخجل من البكاء حين يوبخك مدرسك لانك لم تذاكر درس الامس...وتلتمع عيناك غضبا حين يعنفك ابيك امام اصدقائه فلم تستطع الرد
انهم عديدون..كثيرون...يملئون حياتك الصاخبة فيزيدوها صخبا...ربما تظل طيلة حياتك كالذبابة تتخبط في شباكهم..ربما كان احدهم بجوارك الان وانت تقرأ هذه السطور ..تفكر ماذنب هذا العالم اذا ماتحول الي موقد كبير بعد ان تتحقق امنيتك بأن يحترق كل من اساء اليك..كل كلمة..ابتسامة سخرية..تتمني لو اختفت من ذاكرتك وحياتك للابد ومعها يختفي اثر اولئك الذين دخلوا حياتك دون ارادتك..عاثوا داخلك فسادا...اصبحت اطلالا خربة كمدينة ابان الحرب تلملم اشلاءها وجراحها علي امل بأن تضج بالحياة من جديد
انهم عديدون...كثيرون...يملأون حياتك الصاخبة فيزيدوها صخبا..وكلما هدأت يزيدوها صخبا..وكلما دفنت ما فعلوه في اعمق اعماق اعماقك تجد مالابد وان يوقظه..وكلما حاولت ان تنسي تجد تلك المرارة مازالت بداخلك...تدرك ان الصخب الذي يحيطك انما ينبع من داخلك...ترتفع حدة الصراع بينك و..وبينك...ترفع راسك لتأخذ نفسا عميقا...تحاول ان تكمل حياتك وان تلحق بقطارك...تعدو تعدو حتي تنقطع انفاسك...فقط لتجد ان هناك الكثير ممن تقابلهم كل يوم يحاولون جاهدين الا تلحق بذلك القطار الذي لا ينتظر احدا...كل منهم انت محور حياته..يفكر في كل لحظة كيف يحيل حياتك جحيما
تظل تتمني ان يختفي هؤلاء جميعا ...فلا يختفون

15 comments:

lonely said...

اجعلهم يختفون من داخلك اولا
وسوف يختفون من حياتك على الفور
لاتجعل احد يعرقل مسيرتك
فانت الاقوى
لا تسمح لاحد ان يعكر صفو حياتك
لان حياتك اغلى واقيم من هؤلاء
تحياتى

DayDreaming said...

كلامك خلاني افتكر مواقف وناس تقريبا عمري ما فكرت فيهم او في سبب وجودهم في حياتي ساعات بتمنى انهم يختفوا فعلا لكن بيتهيألي لو اختفوا هنقول يا خساره والله كانوا عامللنا حس :)

المدونه لذيذه جدا
تقبل تحياتي

أحمد سلامــة said...

المشكلة في من هم مجبر عليك ان تتعامل معهم
ان تعرف
ان تقاسي معرفتهم
اما دون ذلك
فالذنب ذنبك
والخطأ خطؤك منذ البداية
فلا تكرره ولا تقع فيه كثيرا
وليعينك الله على البقية

DR.HAMAS said...

يا بشمهندس أحمد

فعلا دول كتير جدا

و للأسف الشديد

منهم من هم أقرب الأقرباء إليك

تسببوا فى ذلك و قد كانوا يريدون أن ينفعوك

آذوك رغما عنهم

و مهما مرت الأيام و تبدلت الظروف

فقد تركوا فى النفس جرحا غائرا لا ينسى

بل لعله يظل مثبطا طوال الحياة

و الحل

النسيااااااان

و لكن كثيرا ما نضطر للتذكر رغما عنا

لتوارد مواقف مشابهة أو قريبة
تذرنا بما قد فات

و لا حل فعلا
إلا باللجوء إلى الله
و مسامحة هؤلاء من كل قلبك

ستجد أن نفسك تطيب كثيرا
و إذا تذكرتهم و أفعالهم
فإنك تتذكر مسامحتك فى موقف قوة منك لا ضعف

و سيزول تأثيرهم شيئا فشيئا

هذا ما فعلته أنا


جزاك ربى خيرا على كتاباتك القيمة

و موضوعك الذى لمس شيئا فى نفسى بالفعل



د.حمـــــاس

wafaa said...

لو الحياة هتمشى من غيرهم يبقى انساهم احسن
ولو كده كده كاتمين على نفسك ومش هيمشوا ابدا

اعتبرهم مصائب مكفرات
واحتسب الاجر عند الله

maha said...

سلام عليك يا احمد
مممم ..تخيل لو كل واحد ضايق التاني و الاولاني اتمني ان التاني يختفي ..تفتكر ممكن يفضل حد في الدنيا ؟؟؟؟
..غريب لما الانسان يحس ان كل الناس عايزة تأذيه او تخصصت في انها تفسد حياه الانسان اللي عايشة معاه بكل وسيلة ممكنة .."فقط لتجعل حياته جحيم "..لكن ممكن نفكر فيها بشكل تاني ..ان لولا كل كلمة ضايقتك من انسان ..هونتها كلمة تانية من حد تاني قريب منك .و كل اذي اتعرضت ليه - من اول نظرة مؤلمة مرورا باهانة او اذي نفسي من حد عزيز عليك -..كل ده بحس انه بيكون الشخصية اللي احنا عليها دلوقتي ..و يمكن لولا كل الخبطات اللي بنفكر انها سببت لينا ضرر في حياتنا ممكن في يوم يكون اثرها فينا هو الميزة اللي خلت حد مهم يحبنا ....

...جميل اوي البوست بس فيه حاجة لاحظتها لذيذه جدا .الا و هي - حلوة الا و هي دي :)- انك بتكرر جملة معينة في كل مرة تبدا فيها فكرة جديده ..لانك بيها ممكن تكون عايز تاكد اساس الموضوع
..
جميلة يا احمد ..
ربنا يوفقك و دايما فكر في ان اي حاجة تاذيك او تتعبك فتعبها مؤقت و اللي بيفضل منها خبرة او ذكري ..الخبرة انت بتتعلم منها ..و الذكري كمان ممكن تتعلم منها ..بس احيانا تفتكرها في موقف يهون عليك واقع اصعب من اللي فات
سلام :)
مها

gogo we bas said...

صعب يختفوا
والاحسن انهم مايختفوش

ببساطة لو لقيت القطر واقف ومستنيك ومافيش حاجة حيشاك عنه هتمشى براحتك لانك كده كده هتوصله
بس لو قدامك حد عايزك ماتلحقش هتجرى بكل طاقتك عشان تتخطاه

ملخص الكلام.. احيانا بيبقى المحبطين او اصحاب المواقف المثبطة اللى بتعلم فى الانسان طول حياته يكونو هما هما اصحاب الفضل فى كل النجاح اللى بيوصله

تاخدها عند, تاخدها تحدى, تاخدها رد اعتبار.. ايا كان اكيد هتوصلك لهدفك اسرع وهتخليك تخطى هؤلاء من يملئون حياتك الصاخبه فيزيدوها صخبا


رائع كالمعتاد ياباشمهندس

اسامة يس said...

هذا البوست وتلك السطور الجوانية العميقة سواء اتفقت مع مضمونها بالكلية او اختلفت مع في جزئيات ... فإني اكتشفت كاتب يملك جديداً بعيدا عن رتابة الافكار وتركيب السطور...

هذا ما اكتشفته في تلك السطور يا صديقي....


دمتم بكل ود...
خالص تحياتي

Vague said...

انا مقريتش حاجة

بس انت شكلك جامد

. said...

احمد عيسى
مهما تكلمت مهما تكلمت مهما تكلمت لن اوصف لك مدى اندهاشي بكلامك
عارف انتا بتتكلم في حاجة انا كان نفسي اعرف هيا ايه
نفسي احللها زي مانتا محللها
انا مصدومة ومبسوطة جدا
في لمحات صغيرة اوي في الكلام رعبتني
لانها كما اريد ان اقول
كل كلمة..ابتسامة سخرية..تتمني لو اختفت من ذاكرتك
اصبحت اطلالا خربة كمدينة ابان الحرب تلملم اشلاءها وجراحها علي امل بأن تضج بالحياة من جديد
ترتفع حدة الصراع بينك و..وبينك...ترفع راسك لتأخذ نفسا عميقا...تحاول ان تكمل حياتك وان تلحق بقطارك
تعدو تعدو حتي تنقطع انفاسك...
مش عارفة اقولك ايه يا احمد
انا مبسوطة اوي اني عثرت على مدونتك الروعة
تحياتي

البِـئرُ والظمّأْ said...

سلام الله عليك
يا رب تكون كويس و بخير


طبعا انا مكررتش نفس العمله بتاعة المره اللي فاتت
حضرتك كتبت الاول في فايل بره البلوج و بعدين عملت كوبي
انت عارفني بلوك كتير و مش مستعده اكتبه للمره الثالثة



بص يا احمد
هؤلاء اللي ظهروا في حياتك بغتة
أحمد انت مش حاسس انهم بدلوا و غيروا في حياتك كتير


انت بتقول انهم
عاثوا داخلك فسادا...اصبحت اطلالا خربة
ليه ما يكونش فادوك
على قد ما دايقوك
على قد ما اكيد ادوك حجات انت مش هتحس بيها غير لما نرجع لورا كتير قوي و نعيد المشهد من غيرهم
هل كنت هتكون أحمد اللي عارفينه الوقت لو ما كنتش قابلتهم



بعدين تعالى نسيبنا من كل ده
انت شايف ان الناس دول ماليين حياتك صخب
مفكرتش قبل كده انك مش بتمثل كده لغيرك
ما تقولش انك مسالم
محدش فينا مسالم
و محدش فينا مش بيمثل أكبرالمشاكل لغيره


على قد يا أحمد ما الناس دول بجد ماليين حياتنا دوشه
على قد ما مديينها طبع خاص حلو قوي

يعني انا على فكره ما احبش يعدي عليا يوم غير لما اشوف اكتر انسان بكره في حياتي " مدير مكتبي " .. يكرهني قوي .. و انا كمان بكرهه قوي .. بس مش متخيله يعدي يوم غير لما اغلي في دمه كل صبح

هتقولي اخده ايه من ده !!!
هقولك اتعلمت بجد ابقا شرسه
و أرد
و أزعق
اخد حقي ما اسيبهوش .. مش أجري على جنب اعيط جوايا محدش شايفني
الاول كان يزعق احط وشي في الارض و اكسف
الوقت عيني في عينه .. بجحه قوي .. صوتي يعلى لدرجة انه يحس اني بتكلم صح .. احيانا القى ابتسامات من تحت لتحت من باقي الموظفين لجرئتي ..




يعني يا أحمد كان ليهم فايده
عشان حاجه بس
عرفونا ازاي نتعامل مع اللي حوالينا



تخيل برده انسان كان عايش مسالم طول عمره و انسان شاف كتير .. و اتوجع كتير .. و اتألم كتير .....أكيد فرق شاسع .......... و على فكره ما تفتكرش ان اللي لحقوا القطار مبسوطين .. على الاقل احنا لسه عايشين على حلم اننا نلحق بيه !!!





أحمد ..معلش طولت عليك ..بس ده بوست رائع و تفاصيل عجبتني بجد
ابقا قولي مين هيا ؟؟





زيزي

بسمه عبدالباسط said...

أنا جيت أخد النسكافية هو فييييييييييييين

Anonymous said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

Nisreen M said...

اولا: مدونتك تنبض بالحياة, وتزخر بعبق التاريخ ومزينة بثقافة العظماء شكرا لك
ثانيا:
لقد حاولت في مدونتي ادخال html codes لعمل خلفية مختلفة للمونة لكن لا حياة لمن تنادي تظهر علامة error ارجو ان تفيدني في هذا الشان

OldCatLady said...

أنا بقالى وقت طويل بقلب فى مدونتك...لحد ما دماغى وجعتنى

أنت عملت مجهود عبقرى فى تكوين دماغك و تفكيرك....

تحياتى