لما أحب

الناج ده قديم قوي...قوي قوي يعني...يمكن عدي عليه سنتين في الدرافت19-10-2007...بس مش عارف ليه حبيت انزله


لما أحب اعمل بحث

عن حاجة عامة بفتح جوجل

عن برنامج او سوفت وير معين بفتح منتدي برامج نت او موقع ناين داون

كتب هندسية عامة اما جوجل واما منتديات الهندسة

اغنية اجنبي - انا مليش في الاغاني العربي قوي - بدور في برنامج لايم وير

اغنية عربي قديمة بفتح موقع سواري

لما أحب اعمل دماغ بجد

اشغل اي موسيقا اسباني واقرا كتاب حلو..في الغالب بيبقي ادب رحلات اوجاسوسية...في الغالب قصص الجاسوسية والمخابرات بتبهرني جدا خصوصا فترة الحرب العالمية التانية

لما أحب اعمل دماغ عالية اوى يعنى
اتفرج علي فيلم اجنبي بس يكون جامد..مش لازم يكون اكشن او رعب انا بحب الافلام اللي فيها فكرة تفاجئني وانا بتفرج عليها

اقوي فيلم فعلا شفته وكنت مستمتع جدا وانا بشوفه فيلم

basic

مش عايز اقول ان الفيلم ده زي مكون كنت بذاكره..معظم المشاهد عدتها كذا مرة وشفته كذا مرة وفي كل مرة بيعجبني زي مكون بشوفه اول مرة

كان في كمان زماااااااااان من ييجي 10 سنين كدة مسلسل اسمه

Nowhere Man

المسلسل كان قصته ان واحد فجأة لقي كل الناس متعرفوش..مراته واصحابه والاستوديو بتاعه مبقاش استوديو..تخيل انت بقي لما في ساعة تلاقي نفسك ملكش اي حياة..المسلسل ده كان ادمان بقي وكنت معاه يوم بيوم عشان اعرف تفاصيل المؤامرة والاجندة الخفية اللي كانت السبب في مطاردة المخابرات الامريكية ليه

لما أحب اتبسط

اشرب بانجو طبعا..وصباح احلي انبساط

لما أحب ادخل عالم داخل عالم

العب

Medal of Honor

اللعبة دي دونا عن اي لعبة تانية فعلا عالم جوه عالم...عادة انا بتفاعل مع الالعاب زي مكون انا بطل اللعبة..اقرا التعليمات بتاعة المهمة كويس..في الالعاب الحربية بتحرك زي مكون في حرب فعلا .مسبش ظهري مكشوف..تامين لكل منطقة قبل مسبها..يعني..بحب ادي كل حاجة في حياتي مصداقيتها حتي لو كانت لعبة

لما أحب العب لعبة حلوة

لو لعبة كمبيوتر...لستة العاب مش لعبة واحدة

عدوا معايا بقي

Star war rogue squadron

preatorian

Red alert total destruction

Max payne

وطبعا البيست اوف ذا بيست

Medal of Honor

لو مش لعبة كمبيوتر في جروب كبير احب بدون كلام

ياااااااااااه.... اه هي اللعبة القديمة قوي دي بتاعة الافلام

احب العب جوكر...احب العب شطرنج

احب العب راكت وممكن ممكن العب كورة..بس مش كتير

لما أحب افصل خالص
اتفرج علي بريزون بريك طبعا..اي حلقة من ال3 سيزون ممكن تخليني مفصول وفي دنيا تانية خالص

لما أحب افرفش واضحك واهيص

اروح الملاهي...هو صحيح مفيش ملاهي في بورسعيد بس لو حبيت افرفش واضحك واهيص اكيد حيبقي في الملاهي

القصة ان في هوس جايلي اليومين دول اسمه عايز اروح الملاهي..من غير مناسبه ..عادي مش كدة..ولا اروح اتعالج؟

لما أحب امشى

امشي ع البحر واسرح وافكر واكلم نفسي وممكن ازعق

لما أحب ابقى فرحان
لما أحب ادخل مكان يريحنى بجد
بدخل بيتنا...او اي مسجد
لما أحب استعيد همتى ونشاطى
...
لما أحب احس ان روحى اتردت ليا تانى
...

لما أحب افتكر احلى سنين عمري

اتفرج علي صوري وانا في الكلية وصور المسرحيات اللي اشتغلناها في مسرح الجامعة..فعلا كانت من اجمل سنين عمري

لما أحب احس انى بعرف اعمل حاجة

اصلح اي حاجة بايظة واخليها تشتغل..زمان كنت غاوي افك الكاسيت واصلحه وحاليا طبعا ممدوح مالي عليا حياتي..عايز رامه..عايز مروحة..الهارد في فيروس..لا الويندوز وقع..بس والله بحبه..صحيح انا في اقرب فرصة حرميه في الزباله بس بحبه برضه...لحد متيجي الفرصة

مم..لما احس اني اعرف اعمل حاجة اجتهد قوي في شغلي...في حدود معينة للاخطاء في اي شغل .زساعات بتطلب معايا بقي ان كل حاجة تبقي تمام..وكل حاجة زي الكتاب مبيقول..يعني لو بنصب خرسانة مثلا ابقي زي العمل الرضي لبتوع الطبلية (اللي هم بيصبو الخرسانة في الخلاطة)واظبط عيار الزلط والرمل والاسمنت..وبعدين اروح جري علي ميزان القامة(عارفين الجهاز اللي شبه التلسكوب اللي مهندسين المساحة بيقفو يصورو بيه )هم في الحقيقة بياخدو مناسيب السطح بالنسبة للصفر المطلق(اللي هو اسمه الروبير)ودي عملية مش معقدة قوي لكن ..بحس اني شخصية تانية خالصة جوة الموقع..بفصل تماما وبتفاعل مع كل قلبة خرسانه وكل لقطة ميزان وكل سيخ حديد و....و..و..

لما أحب اضحك من قلبى بجد

اتفرج علي وجهة نظر..تخاريف..الهمجي..مسرحيات صبحي العبقري طبعا

اتفرج علي فرندز..فيبي فتاة احلامي

طبعا غير جوي..بحب نظرة الغباء اللي بتبقي في عينيه دي

هو الجروب كله بصراحة بيهلكني من الضحك

مممم..في مسلسل بقي مش عارف اذا كان حد يعرفه ولا لا اسمه بيكر

ده بقي اللي مشكلة بجد..وصعب قوي اني اشوفه ومضحكش.. برضه ده كمان بيموتني من الضحك

لما أحب ابعد عن الدنيا واعرفها علي حقيقتها

مش عارف

بس اكتر حاجة فعلا بتهزني وتخليني ابعد عن الدنيا واعرفها علي حقيقتها هي الموت

يعني لما حد قريب مني يموت بتهز قوي

لما أحب اعيش جوايا شوية

اقعد في الضلمة في صالون بيتنا اقعد افكر..احاسب نفسي ..افتكر مواقف وكلام واذاي كنت اتصرف هنا ومتصرفش هنا,,ادور علي نقط ضعفي احاول اعالجها ونقاط قوتي واحاول اظبطها


طبعا مش حبعته لحد لان مصر كلها جاوبت عليه
اما عن اللي حيسال اجاباته حتكون ايه الوقت...اكيد حتتغير..لاني انا اتغيرت كتير عن يوم مجاوبت عليه
بس مش حقول الاجابات حتتغير اذاي