وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Sunday, November 25, 2007

حين اغضب


الناس نوعان

النوع الذي يصرخ في محصل شباك التذاكر في غضب لا يكبتونه

ومحصل شباك التذاكر الذي يتحمل صراخ النوع الاول الي ان يفقد اعصابه فيمسك ببندقية ويفرغها في اجساد من حوله

جاك نكلسون من فيلم
Anger management






حين أغضب اشعر بدمائي تغلي داخل اوردتي وشراييني
حين أغضب تنقبض معدتي و بعصارتها تفور كالحمم البركانية التي تكتسح ما امامها بلا هوادة
حين اغضب اري العالم من خلف غمامة بيضاء شفافة..لا اري وجوها ولا اسمع اصواتا بل يتحول العالم الي صورة ضخمة ثنائية الابعاد
حين اغضب اشعر بأنني اسير في ممر ضيق اكبر الشبه بانبوب شفاف..تثقلني الحركة بداخله وضغط الهواء المريع الذي اشعر به يطن داخل اذني مما يزيد هياجي اكثر واكثر
حين اغضب اشعر بالكون كله ابطا مما يجب..اشعر بحركة ما حولي ومن حولي اثقل مما يجب..اشعر بالكلمات من حولي اسخف مما يجب
حين اغضب اكون كالجلد المحروق تلهبه اقل النسمات..تستفزني اقل الكلمات وتثيرني ابسط الحركات...حتي الابتسامات تكون لها الف مغزي
حين اغضب اكون احد ذكاءا واسرع بديهة واسلط لسانا واطول يدا
يتبـــــــــــــــــــــع

10 comments:

Meekness !!! said...

سلام الله عليك يا أحمد

اولا ازيك يا رب تكون بخير
و لو ان حالك ما يعجبش .. و تدويناتك مريبه حبتين .. لعلك بخير ان شاء الله يا أحمد

بس ايه النشاط ده
انا جيت اتفاجئت انك منزل بوست جديد بعد لماذا




يا لهوي يا احمد لما تغضب كل ده بيحصل
( اتق شر الحليم اذا غضب )




حين اغضب اكون كالجلد المحروق تلهبه اقل النسمات..تستفزني اقل الكلمات وتثيرني ابسط الحركات...حتي الابتسامات تكون لها الف مغزي
حين اغضب اكون احد ذكاءا واسرع بديهة واسلط لسانا واطول يد



اغبى حاجه لما تغضب فعلا و تلاقي حد بيضحك و يبتسم
او حركه تثيرك فعلا
يبقا عندك حق تنفجر بجد زي البركان


و معاك ان الواحد لما يغضب اديه و لسانه يطوله



ههههه يا أحمد انا كده هخاف اجي عندك
.
.
.
مستنيه الجزء التاني





زيزي

buffy said...

ok

gogo we bas said...

حين اغضب

اكون كجبل من الجليد... قاسى
ولكن
كلمة وابتسامة دافئة تكفى ان تذيبه

حين اغضب ابتسم.. فالابتسامة تصنع المعجزات

حين اغضب اتذكر ان هذه هى احلى لحظات يقضيها الشيطان... فلا اجعله ينتصر ويفرح... فأضحك

bos bos said...

ياساتر لية كل ده

بس ايه حكاية الضرب دى كمان

Tamr7na said...

بصراحة انا شايفه ان الناس مش نوعين بس
لكن يلا
اه اللى يعيش ياما يشوف
سلامي

ghalia said...

علشان كدة الرسول عليه الصلاة والسلام وصانا وقال: لا تغضب
لأن الأنسان فى لحظات الغضب ممكن يخسر كتير وهو مش حاسس ولا قاصد
وممكن يخسر الناس الى بيحبهم و يحبوه بسبب كلمة لا راحت ولا جت قالها فى لحظة غضب

maha said...

سلام عليك يا احمد
غضب
ممممم
عارف ان اغلب الحاجات اللي بنغضب منها لو فكرنا فيها بعقل منغير انفعال هنلاقي انها متستاهلش اللي احنا فيه من انفعال
اكيد الواحد لما بيضايق مش بيفكر و عقله بيقف ... بيشوف ان كل العالم فوق راسه و الهوا تقيل جواه و انه مخنوق
..بس مرة سمعت حاجة عجبتني اوي بتقول ايه بقي ؟؟؟
..بتقول يا سيدي انك لما تكون متضايق او في مشكلة خرج نفسك منها و فكر من بعيد و حط ادامك كل الافكار و المشاعر علي جنب و خلي ادامك سبب المشكلة و ازاي تحلها و هنا بيكون العقل و تخف حده الانفعال ...
_________
ايه ده ..ايه الكلام الكتير ده ؟؟؟
انت مرة يا احمد قلت حاجة احلي من كل اللي بيتكتب ده لما اتسالت في التاج اللي فات انت لما بتضايق بتعمل ايه ..فاكر ؟؟؟
قلت انك بتتوضا و تصلي ...:)
خلاص ..تاهت و لاقيناها
كل ما تضايق روح اتوضا و صلي و قول يا رب
و افتكر لحظة حلوة مرت عليك او موقف يخرجك من لحظة غضبك ..
وعد انك ساعتها هترتاح و متحسش بغضب
يا رب دايما فرحان و مبسوط ..و اوعي تضرب حد :)
سلام يا احمد
مها

أحمد سلامــه said...

ما اقواه من غضب
غضب مفترس ان شئت الدقة

حين اغضب اكون احد ذكاءا واسرع بديهة

غضب في محله

فوكيره said...

كـم اشتـاق ... لتلك اللحظات من الغضب ... لا ليس الغضب فـانا اعيش تفاصيله الان

وانما لحظات التعبير بالتحديد هى ما افتقدها ... لحظات الصراخ ... و التصريح بما بداخلك من بركان الغضب

بهذا الذكاء
و تلك الحده و سلاطه اللسان التى تحدثت عنها ...

رغم اني اكره تلك اللحظات ولكن احتاج للتعبير الحــاد ...

بوست في وقته تمام

تحياتى يا كونت

dr.Roufy said...

حين أغضب تكون الحقيقة الوحيدة والمسيطرة هي أني غاضبة

بوست جميل..ومستنية توابعه
:)