وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Friday, July 06, 2007

وانطلقت الشعلة


لم تكن ليلة افتتاح دورة الألعاب الاوليمبية
لم يكن عيدا قوميا لأي دولة
لم يشر تاريخ اليوم إلي انهزام الجيش الفلاني أو سقوط الدولة الحنجارية علي يد قوات الحلفاء
كانت ليلة عادية
ليلة صيف باسمة ساخنة تلطفها أنسام باردة بين الحين والأخر
وبرغم هذا التمع في أعين الجميع نظرة من ينتظر
وينتظر
توقف الفتي الذي يعدو بدراجته
توقفت الفتاة التي تحمل حقيبتها وعلت بنظرة حالمة إلي السماء
ابتسم ذاك العجوز بحنكة وهو يضم إليه حفيده ويشير إلي اعلي
صمت الجميع صمتا مهيبا له ثقل ودوي
ولأنه هناك الكثير مما يستحق الانتظار
ولأني شخصيا لم اعد أطيق الانتظار
فقد أضاءت سماء المدونات في احتفالية مهيبة من الأضواء والألعاب النارية احتفالا بها
إنها
إنهــا
إنهـــــا
إنهــــــــا

دوت سبوت

الحكاية بقي بعد الفاصل....

********************
عدنا
أهلا بكم
نحكي بقي بالتفصيل اللي وراه حاجة يخلصها وييجي عشان مفيش فاصل تاني
من فترة المبجل المفخم اعزه الله دوما اللي هو انا عرض علي مها فكرة من أفكاري اللي مش ممكن نعتبرها عاقلة
مدونة حوارية
الفكرة كل مدي بتتبلور في دماغي اكتر لكن انا مطقتش استني
وعشان كان عندي مشاكل في النت والوصلة كالعادة مها سبقتني بـ4 ايام كاملة ونزلت الاعلان عندها في البلوج
ونزلنا اول بوست في نفس اليوم
ومفاجاتي التانية بقي...مين مها؟؟؟
مها
مدونة بفتح الواو وكسرها شفافة جدا ونقية جدا وتحس براحة كبيرة جدا لما تدخل عندها وتقرا كلام تحس انه من عالم تاني
مها بتكره القهوة جدا لدرجة انها عودتني اشرب قهوة باللبن....فعلا
وبتحب الشيكولاته جداجدا
والحمد لله أول بوست نزل
مستنينكو بقي هناك
والي لقاء قادم في الحلقة القادمة
انتهي البيان

2 comments:

one true thing said...

مبروووووووووووووووك وألف مبرووووووووك
بجد فكره جامده جدن ربنا يعينكم ويقويكم
ولو احتجتم أي شي احنا في الخدمه
الى الامام دائما
تحياتي يافندم
على فكره أنا ردت على حضرتك عندي واسفه على تاخير الرد شرفتني بجد

أحمد عيسي said...

الله يبارك فيكي يا ست الكل
وانتي اللي شرفتيني ونورتيني