وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Wednesday, March 21, 2007

المحاكمة


دخل القاضي صارم النظرات اشيب الشعرالي قاعة المحاكمة فوقف الجميع برهبه حتي جلس
الفاضي يقول بصوت ملول منهك..صوت من شهد عشرات القضايا من قبل
قضيتنا ايها السادة قضية ليست بالسهلة..وهي تشغل الرأي العام منذ شهرين..المتهم
يقف المتهم ومحامي الدفاع بانتظار مايقوله القاضي
انت مذنب ام غير مذنب؟
محامي الدفاع شاب واعد ممتلئ حماسة:غير مذنب ياسيادة القاضي
القاضي يهز رأسه في ملل من توقع هذا
وكيف تبني دفاعك؟
محامي الدفاع يبتسم بثقة:نحاول اثبات انها حالة جنون مؤقت ياسيادة القاضي دفعته لارتكاب مافعل
يلتفت القاضي لممثل الادعاء فيقوم من مجلسه بثقة قائلا:نبني قضيتنا علي انه مذنب ياسيادة القاضي
فكر القاضي..ستكون معركة شرسة اذن..ينظر لممثل الادعاء قائلا في ضيق
المتهم لك
ممثل الادعاء ينظر لي شذرا ثم يبدأ استجوابه
اسم مدونتك ؟
لحظات
لماذا اخترته.. ماذا تقصد به ؟
الحقيقة ان الاسم ده كان في دماغي من زمان..تفكيري في منظومة عمر الكون كله حضارات قامت واندثرت وناس عاشت وناس ماتت واختراعات وثورات وحروب..فعلا اي وقت بيعدي عبارة عن لحظة في عمر الكون ساعات مش بحس للوقت اهمية الا لما فعلا يبقي له اهمية .
هل فكرت في إغلاق المدونة.. والسبب ؟
لا..لاني عايز اقول كتير..ممكن ابتعد شوية..وممكن اعمل تنحي تكنكيكي عن المدونة زي عبد الناصر اشوف مين اللي متابعني فعلا ومين اللي حيحمد ربنا اني بطلت اكتب وقفلتها..بس اغلاق المدونة لم يخطر ببالي خالص لدلوقت.
صورتك فى المدونة ..رمزيتها ؟
صورتي ياباشا والله صورتي..مالهاش رمزية ولا قصدي بيها اي حاجة..يعني لا انا شيوعي ولا انا يساري ولا اي حاجة…انا في السليم ولو مش عاجباك اشيلها ياباشا
طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
انا بكتب اللي بحب اكتب فيه....وممكن يكون كل اللي انت قلته..سياسة ..قصة ..عبث ..كلام فاضى اي حاجة بلاقيها اتبلورت في شكل معين والاقي سيل كلمات نازل بيزن علي دماغي..
لماذا تدون أصلا ؟
مش احسن منحرف واشرب بانجو
بدون لاني بحب الكتابه..بدون عشان احقق حلم قديم عندي محدش يعرفه وهو الصحافة..اني اكون صحفي..بدون لان الفترة دي من حياتي فترة خصبة جدا ومحتاج اعبر فيها عن نفسي..
ده غير اني اساسا قريت كتير..والافراز الطبيعي للقراءة هو انك يبقي لك اسلوب وفكر ورؤية تكنب بيها…انا مش كاتب من بتوع الخنفشارية ولا بعتبر نفسي كاتب اساسا انا مجرد واحد عادي في ايده شوية كلمات بيعبر بيها عن اللي جواه
..

أحلى جملة قيلت لك فى وصف مدونتك ؟
ها…؟
اعترض ياسيادة القاضي لانها لا تخدم الغرض الاساسي من الاستجواب
اعتراض مقبول
التعليقات بالنسبة لك ..أهميتها ؟
التعليقات معناها ان في حد قرا وعجبه اللي قراه فدخل يقول رايه..اكيد التعليقات مهمة لانها مؤشر التفاعل بينك وبين المدونين ..ده اللي يضمن ان مدونتك تعيش لانك تكتب ليقرأ الاخرين مش عشان انت اللي تقرا
اكيد ببقي سعيد بتعليقات مدونين جدد-يعني تبقي اول مرة ليهم -وببقي سعيد بتعليقات مدونين مخضرمين-زي مثلا سمراء النيل وجيرونيمووقصاقيص مشاعروالدكتور الشمسي..في ناس ببقي مستني تعليقاتهم مع ان فيهم ناس مخاصماني زي روزاليا..مها غربة وطن و اسراء وتسنيم وعلي وزيفاجو
بس في ساعات بكتب ومش بهتم بالتعليقات..قلت لاختي الصغيرة مها كلام فارغ قبل كدة انتي بتكتبي عشان تعبري عن اللي جواكي ولا عشان تزودي الرقم جنب كلمة التعليقات؟ هي دي الفكرة اني بعبر عن حاجة جوايا..محدش يقدر يقول ان الثورة الفرنسية ركيكة او مفتعلة لانها واقع حصل فعلا ..وانا بعبر عن اللي جوايا برغم تفاعل الناس معاها او لا بس ده ميمنعش اني ببقي سعيد جدا بالتفاعل...والتعليقات
اي حد يتفضل ينورني والله ببقي سعيد جدا بتشريفه عندي..واللي مذكرتش اسمه اكيد مش حيزعل لان..لان محدش بيزعل مني اساسا

رجاء من السادة المحلفين عدم الالتفات للاجابة ويتم حذفها من مضبطة الجلسة لانها لا تخدم سياق القضية
أحلى بوست كتبته ..ضع اللينك ..ثم اذكر لماذا ؟
كل مرة ببقي عايز اكتب البوست اللي حيغير تاريخ عالم التدوين..وحيتفاعل معاه االناس كلها والاقي اراء وردود ومناقشات …بس للاسف بنسي فبكتفي بالموجود
بس فعلا انا بحب اي بوست اكتبه حتي لو طلع عيني ونشرته الساعة 3الصبح والنت بعدها فصل ومشفتوش الا بعدها بيومين علي البلوج عشان الويندوز وقع..انت لو مخلف عيال حتحب واحد اكتر من التاني؟

أفضل مدونة قرأتها ..يمكن اختيار عدة مدونات ؟
علي ايدك اليمين وانت داخل ياباشا..لحظات اخرين..ناس جامدة قوي وانا بتابعهم جميعا
لا مزيد من الاسئلة يا سيادة القاضي
يلتفت القاضي الي محامي الدفاع قائلا
المتهم لك

أفضل بوست قرأته ..يمكن اختيار اكتر من لينك ؟
فيه كتيييييييييييييييير..انا مش حعلم بطباشيرة حمرا علي البوست الكويس اللي بقراه..لكن في حاجات كتير بتعلم معايا قوي..بس الجملة اللي هزتني فعلا كانت كتبتها نهي"هيه فلسطين احتفلت بعيد الحب النهاردة؟..حسيت بمنتهي السطحية اللي العالم بيفكر فيها وسط الماسي اللي بتحصل

هل خسرت صديق بسبب كتابة هنا ؟
لا طبعا..والاختلاف في الرأي لا يفسد للود اي قضية..بس في قضايا معينة و
حد قل ادبه فى التعليق ..ايه رد فعلك ؟
واحد بس..ورديت عليه في يومها في بوست فلتمت غيظا..انا مش بسيب حقي ياباشا..
واحد مجهول لسبب مجهول دخل بيشتمني قمت انا قافل تعليقات المجهولين..اللي يدخل يلعب بقواعد اللعبة بقي ويحترم نفسه
..

اعترض ياسيادة القاضي لما فيه من تهديد ضمني
مرفوض…للمتهم الحق في ابداء وجهة نظره
أسوأ مدونة ..الاجابة اجبارية ..يمكن اختيار عدة مدونات ..هما كتير اصلا ؟
والله ..شوف ..كل المدونات المحتوية علي بذاءات اي كانت..انا بشوف مدونات بيبقي فيها كلام خارج ..وقلة ادب بصراحة بحس ان الناس دي نفوسها مريضة ..المريض يتعالج بس ميقرفناش
مدونات المثليين…انا مش عارف اذاي واحد عنده الجرأة انه يقول "انا ربنا خالقني كدة بميل للجنس بتاعي"..واحد او واحدة وتلاقي كلامهم بصراحة يقرف..ممكن يكونو ذوق علي المستوي الانساني بس زيهم زي الحشرة الزرقا الغريبة اللي بتطير حواليك…مش مضرة بس انت بتشمئز منها..اي حاجة بيعملوها حرام وبتهز عرش الرحمن …
انا ضد اي حاجة يبقي حد عارف انها غلط وبيحاول يقنعني انها صح..بهائيين علي مثليين علي اي تقاليع تانية بتطلع..انا ضد حرية الرأي لما يبقي الغرض منها اني اطلع عشان اشتم وبس ..حرية الراي اللي اعرفها عبارة عن نقد بناء انا مش موافق عشان كذا..مش يلا يا ولاد المش عارف ايه ويبقي اسمها حرية راي..
أسوأ بوست ؟أسوأ مدون .. ؟
حضرتك اجابتي صريحة…اسوأ مدونة مش حيكتبها جزار اكيد حيكتبها اسوأ مدون واسؤأ بوست حيبقي في اسوا مدونة اللي كاتبها اسوأ مدون..شفت الواد ابو جيل في شعره اللي بيــ
هدوء في المحكمة
تحديث
يؤجل الحكم حتي استدعاء كل من
قصاقيص مشاعر
فوضي الحواس..شيرمين
هبه قلب يحترق
محض روح
محكــــمة
ولكل من حضر المحاكمة رجاء اللي عنده اي حاجة تفيد القضية يجاوب علي الاسئلة كفرد من المحلفين

22 comments:

maha said...

سلام عليك يا احمد
هييييييه...انا اول واحدة اكتب التعليق
برافو يا مها برافو برافو هجيبلك شوكلاته
ده احمد عيسي اللي بيقول""

قبل اي رد انا كتبت الميل بتاعي في الكومنت للبوست الاخير

الموضوع بقي
محاكمة اولا انا افتكرت انها محاكمة بجد و رسمت علي وجهي ملامح الجدية و اسكت الكون من حولي و في النهاية الموضوع تهريج
احم احم
ايه الاحراج ده بس :)

حلوة اوي سبب التدوين"مش احسن منحرف و اشرب بانجو؟؟؟لالالا التدوين اامن
تعرف اني برده كان نفسي في موضوع الصحافة ده ...

علي فكرة جملة "انتي عايزة تكتبي عشان تزودي الرقم دي افتكر انها اتقالت ليا انا مها غربة وطن
:( و مش حد تاني
انا برده بتعجب جدا من الانتشار الغريب لمدونات المثليين لاني حسيت ان عددهم مش قليل و سبحان الله انا مش عارفة جابوا القوة و الاقتناع الفظيع انهم علي حق و احرار في رائيهم و افعالهم ازاي ؟؟؟؟

ان شاء الله اكون موجودة في الاستئناف ....
ان شاء الله اعمل البوست قريب
في انتظار اضافتك علي الميل
سلام يا احمد و بوست مبتكر و فكرة جميلة
سلام
مها

أحمد عيسي said...

والله يامها انتي تستاهلي علبة شيكولاته كاملة..
اول واحدة..هاااااااااااااااااا أحمد يارب
الكلمة دي انا قلتهالك انتي الاول وبعدها قلتها لاختي هي كمان بلوجراتيه زي حالاتنا من بلوجرات الهواه..يعني هي اتقالت ليكي الاول..حعدلها عشان خاطرك والله مش حسيبها كدة
انا برضه عجبتني الفكرة..ساعات ببقي عبقري يامها ولا ايه..
حستني ردك وان شاء الله حضيفك
سلام

shermen said...

حلوة أوي فكرة المحكمة دي بجد أنا أفتكرتها ف الأول محكمة حقيقية معلش أعيش وأخد غيرها
على فكره انا غيرت عنوان لمدونة بتاعتي أبقى بص عليها كده
سلام

hesterua said...

اعذرنى فى موضوع التلاتة ده
ما انا قلتلك اللى فيها
))
بس انتظر برضه

انا مش مخاصمك يا باشا
عيب عليك
))

بوست جميل يا بطل واجاباتك دبلوماسية

احلى رد هو ردك على سؤال احلى مدونة



))

شيماء الجيزى said...

احمد انا لسه مقرتش المحاكمه
بس انا جايه اعتذرلك لان الكومنت بتاعك
واضح انه حصل فيه خلل وملقتوش فى البلوج

هقرأ المحاكمه وارد
وياريت ترد تانى على الموضوع
لانى بهتم بردودك
شكرا ليك

همسات said...

السلام عليكم
اجاباتك كلها _مصاصات_ اوعى تفتكر حاجة وحشة يعنى لذيذة
وحلوة اوى فكرة المحكمة دى
طيب بقة ممكن استجوبك فى كم حاجة اصلى كان نفسى وانا صغيرة اطلع ظابطة
حاجة كدة زى تخليص عقد قديمة
ايه البوست اللى كتبته لحد بعينه عشان تقوله انك بتحبه؟
.......
ايه البوست اللى كتبته عشان تطلع كل غلك فى شخص معين؟
..........
أخيرا تحب المصاصة بلبان ولا من غير.؟

buffy said...

u hv been tagged 4om me:)))

saher80m said...

إنت رائع يا عم أحمد .. محاكمة عظيمة .. و إوع تكون زعلان منى عشان يمكن نكون إختلفنا قبل كدة فى موضوع .. أحسن يجيبونى شاهد فى المحاكمة و بعدين يحططونى فى القفص .. يا ريت ماكونش من المدونين أو المعلقين اللى إنت بتتخنق منهم .. سلام

shermen said...

على فكرة مش عارفه أجاوب على التاج بتاعك عندي مشكلة جامده في البوست دايما بيديني error
عموما ممكن ابقى اجاوب عليه ف البلوج التاني بتاعي
http://shermen.maktoobblog.com

قصاقيص said...

معلش يا أحمد أنا كالعادة جيت متأخر.بس إنت مجرب مقالب النت والسيرفرات
عموما البوست فكرته جديدة وحلوة أوى..طريقة بعيدة عن الخطابة المباشرة الممله
وميرسي علي رأيك الجميل في مدونتا وعلي تدبيسي وإعتباري فرد من المحلفين
تحياتي
وماتقلقش :براءة انشاء الله

أحمد عيسي said...

باغتباري دلوقتي مسجون ومستني الحكم ..متشكر للزيارة وعلي العيش والحلاوة و الذي منه ونقووووووول:

شيرمين:زيارتين في يومين ورا بعض..الهي يارب يجبر بخاطرك
والله انا كنت زعلان انك قفلتي المدونة بتاعتك..حلو ..حشيل بقي البوست بتاع مرثية شيرمين من الدرافت..المهم كويس انك رجعتي تاني وابقي تعالي باستمرار..
باعتبار ان التاج موجه ليكي جاوبيه في المكان اللي يعجبك ان شاء الله في كراسة الواجب..المهم تجاوبيه..بس طبعا يستحسن يبقي في البلوجر..حاولي تاني معلش

احمد باشا شلبي:بص بقي..عليك 3 تاجات ومش حستني اكتر من كدة..حتجاوب عليهم يعني حتجاوب عليهم انا مش بهرج..الاخير بالذات مسألة حياة او موت ولا عايزني اخد اعدام؟
مش انت اللي مخاصمني اللي مخامصني مش حيقرا البوست ده اصلا ومش حيعرف انه مخااصمني..ركز شوية يابوحميد..

شيماء الجيزي:يارب بس افتكر التعليق اللي كان عندك..والنبي ابقي خلي بالك من التعليقات عشان انا بنسي بسرعة
ومستني سعادتك تقري المحاكمة ..

همسات:تصدقي اذاي الاسئلة دي مجتش في التحقيق؟
البوست اللي كتبته لحد اقوله اني بحبه لسة مكتبتوش..
البوست اللي كتبته عشان اطلع غلي في شخص معين بوست فلتمت غيظا..وفي بوست كمان جاي في السكة عشان اقفل موضوع زهقني بجد بالرغم من انه خلص
المصاصة بحبها بلبان ومن غير بس انتي هاتيها

بافي:وانتي كمان تاجت فروم مي يبقي خالصين..بس جاوبي التاج بالعربي ياستنا والنبي انا اتعميت من الفرانكو اراب والتاج طويل بجد

ساهر:انت شاهد ياباشا من غير ميجيبوك..واناوانت اختلفنا والاختلاف في الرأي لا يفسد للود قضية..بس فكرني بس احنا اختلفنا في ايه ..
بس حتجاوب ياساهر..دي مفيهاش هزار

شيرمين:زيارتين في يومين ورا بعض..الهي يارب يجبر بخاطرك
والله انا كنت زعلان انك قفلتي المدونة بتاعتك..حلو ..حشيل بقي ..انا رديت عليكي قبل كدة..حاسس ان الكلام قلته قبل كدة..

قصاقيص مي:انتي مش كالعادة متأخرة انتي اتاخرتي المرة دي بس ؟؟بس عشان الموصالات والسيرفرات انا عاذرك
Better late than never come
ولا ايه

buffy said...

nice so nice ya m3lm ana awl mrra msh 2retha 3shan kont mst3gla
blogk to7fe tb3n men y2dr y2ol 3'er kda dna kont a2at3o:)))ala b2olk eh hwa elmfro eny agawb 3al mo7akma de ana kman?b5sos elfranko arab walahi mb3rf aktb 3araby bsor3a ya english ya franco arab we so7aby msh radeen english bass i will try 4 u only yalla twlt da atwl t3le2 ktbto salam b2a

أحمد عيسي said...

بافي:ايوووووووة المفروض تجاوبي ع المحاكمة دي..وامانة عليكي ياشيخة لتجاوبي بالعربي

smraa alnil said...

هههههههههه
حلوة مخضرمين زي سمراء النيل دي
ربنا يجبر بخارم يا احمد
بس حسستني اني عندي خمسين سنة
دة انا كلي علي بعضي مش كملت الاربع شهور
بس يلا
ههههههههه
بس بجد اجابتك تحفة ومنطقية
واسلوب جديد جدا في تقديم التاج

أحمد عيسي said...

الله يخليكي يا ست الكل فعلا انتي بالنسية لي حد جامد قوي في التدوين..جاوبي بقي التاج ده بليييييز متكسفينيش

محض روح said...

غيرت شكل التاج
تعرف انا كنت بتنرفز من اى حد يجيلى التاج تحس انه يحرام محكوم عليه بالاعدام
انته عملت محكمه
اخرت الحكم شويه
بس براءه ان شاء الله
:)

أحمد عيسي said...

محض روح:بس ايه رايك انتي ؟مش حتجاوبي عشان تطلعيني براءة؟

أنا أفكر إذن أنا موجود said...

مش عارفة أقولك أيه بجد
أول مرة أشوف فيلم درامي على الورق
قصدي قراءة
بتعرف توصف المشاهد كويس جداً يا أحمد
ودخلتنا في جو درامي جامد
من أول الأسئلة للاجابة لوصف المشاعر والانفاعلات والتقلبات والأجواء المحيطة

أما الأجابات نفسها فهي مدهشة .. بس قولي إيه اللي جاب الهندسة للصحافة بس
مش كنت رحت صحافة أحسن من اللي أحنا فيه

أبقى أبعت قولنا أمتى الحكم بقى ..

أحمد عيسي said...

باشمهندسة:انا مش حقولك الحكم امتي انتي من الشهود ولازم تجاوبي ع التاج ده
ربنا يخليكي يارشا والله انتي درايما رافعة معنوياتي كدة

smraa alnil said...

يا ابني بما اني مخضرمة زي ما بتقل فانا عملت التاج دة قبل كدة
http://anooojy.blogspot.com/2007/02/blog-post_19.html
شفت بقي اني مش حارماكم من حاجة
انا تقريبا عملت كل التاجات اللي في نفسكم
ههههههههههههه
كفارة يا معلم

شيماء الجيزى said...

يارب :( جيت متاخر

لا بس انا جيت قبل كده :d

عاوز تخرج من المحكمه يا احمد
دنا هحبسك حبس انفرادى
انا نويت اخسلى خمناشر تمناشر كيلو
واقدم فى شرطه :d
واسجنك هيكون حقى بقى بعد الاستفتاء

هجاوب متزوقش
ياربى
البوست الجاى يا ريس
تشكر يا احمد ع الدعوه

omar مشروع بطل said...

أنا جيت يا حضرة القاضى انا الشاهد المسمى عمر..

الراجل ده مذنب يابيه .. مذنب لأنه قال رأيه فى بلد زى دى .. مذنب لأنه مش بيخاف فى بلد بيرضع أهلها خوف .. مذنب لأنه لسة عايش يكون بنى آدم رغم كل ده ....


مذنب لو كانت البلد بريئة وبرىء اذا كانت البلد كلها مذنبة