عندما تعجبك صورة
زاهية الاوان
براقة التفاصيل
تراها..فتأسر عيناك
فلا تحاول الاقتراب منها
فتري تجعيدات القماش وتجاعيد الالوان الملطخة
لاتقترب منها فتسمع انينها حين تضربها الفرشاة
تشعر بوحشية الوانها
انتهاك براءتها
دموعها المكتومة..من الف لون ولون
عندما تعجبك صورة
من الافضل لك ان تظل بعيدا
فقط لتبقي نفسك في تلك المسافة التي تجعلك لاتري
كم هي قبيحة
10 comments:
التعبير وتصوير لحظة الاقتراب من الصورة خطير جدا
بجد أثر في وسمع معايا ف مواقف كتير
بجد تسلم ايدك ويسلم مخك،، بجد عبقري
:)
مها ميهوووو
عندما تعجبك صورةمن الافضل لك ان تظل بعيدافقط لتبقي نفسك في تلك المسافة التي تجعلك لاتري كم هي قبيحة
----------
جامد جدا التعبير ده
بس ليه نفضل بعيد عن الصورة ومتخيلين انها أحسن حاجه ؟
الصح فعلا اننا نقرب ونشوف
لأنها لو قبيحه واحنا ماتقبلناش الواقع ده فمش المفروض نلوم غير نفسنا علي العواقب
الا اذا كنت تعني بالحفاظ علي المسافه .. الابتعاد عن الصورة تماما
أعتقد الحل هو الاقتراب للتأكد أو الابتعاد نهائياً
لكن لا تبقِ صورة مشوهه في مجال بصرك
---------------
تحياتي
Lyss
فعلا عندك حق
مش بس الصور اللى لما بنقرب منها بنشوف عيوبها
لا كمان الناس
زمان كان فيه حاجات شايفاها كبيرة قوى
كنت بحبها قوى و بحترمها قوى
و كل ما كنت بقرب كان رصيد الحب بيقل و رصيد الإحترام بيقل معاه
لحد ما اتضحت الصورة كاملة و ندمت انى قربت و انى مفضلتش اتفرج من بعيد يمكن كانت خدعتنى النظرة الأولى كتير
سلام عليك يا احمد
بوست بجد جميل اوي
فعلا عندك حق
كتير بنكون قدام لوحة جميلة و اول ما نقرب منها بنلاقي ان جمالها بهت و ان روعتها ضاعت
مش بس اللوحات ..و البشر كمان
ممكن ناس شكلهم يجذبك اوي بس اول ما تقرب منهم و تبدا تتكلم معاهم تلاقي صورتهم في عنيك ضاعت و بقي الجميل فيها مش موجود
و بالعكس فيه ناس شكلها عادي جدااااا
و اول ما تقرب منها و تبداوا تتكلموا سوا تحس ان دول اروع ناس في الكون ..
حصلت :)
..
فيه كمان امثله كتيرة بس اغلبها بيكون علي حسب عيون اللي بيشوفها و درجة الجمال برضه بتختلف
..
بوست جميل اوي
سلام يا فيلسوف
....
مها
بالضبط زي القمر...لازم كان يبقى بعيد كل المسافة دي علشان منشوفش هو قد ايه مليان حفر و وارضه صخرية وقاسية
هو من بعيد حلو قوي...بس من قريب..قبيح جدا
صح
بالظبط كده
فليس كل مايلمع فى قيمة الذهب
كتير قوى من برة حلو ومن جوة يوجع
كالعادة اصبت التعبير
بس ممكن سؤال
امتى هتخرج من حالة الخنقة والاحباط اللى انت عايش فيها
انت اجمد من كده ياباشمهندس
ان شاء الله اسمع عنك خير قريب
هيه الصورة حلوة اوى فعلا بس مش فاهمه معناها
هيه كل تفاصيلها باينه اوى باينه لدرجه القبح على فكره
لانها تحسسك انه بيرسم في حته مهجوره
مش عارفه اقول حاجه تانيه
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود عل مدونتيِ
ابدعت يا كونت
الموضوع ليه معاني اكبر من كونها صورة و بنقرب ليها
فعلا اشخاص كتير بعجبنا شكلهم
او بيكون الانطباع الاول عنهم هايل
لكن كل ده بيزول عندما نقترب منهم اكتر لنعرف اناما بداخلهم قبيح جدا
لك تحياتي و يسعدني زيارتك لمدونتي
Post a Comment