ذات مرة كان صبيا وقد جلس علي كثيب رملي اصفر يملأ بالرمال غربالا لأن ابن عما قاسيا قال له لو ملأت هذا الغربال بالرمال فسوف اعطيك قرشا..وكذا قضي الوقت يملأ الغربال ويملأ الغربال لكن الرمال كانت تتسرب من الاسفل بلا توقف
يداه منهكتان..والرمال حارقة..والدموع تسيل علي خديه
وقد خطر له انه لو أسرع فلربما استطاع ان يملأ الغربال
راي برادبوري...451 فهرنهايت
تري..لماذا خطر لي ايضا انني يجب ان اسرع كي املأ الغربال بالرمال؟؟؟؟
7 comments:
السلام عليكم
ازيك يااحمد ايه الاخبار؟؟
انا اول الكومينتات كمان
!!..مش مصدقه
...
طبعا كالعاده...البوست حلو
والصوره معبره اوي
...
تري..لماذا خطر لي ايضا انني يجب ان اسرع كي املأ الغربال بالرمال؟؟؟؟
اممممممم
يمكن عشان انت برضه عندك ابن عم قاسي وهوه قالك كده؟؟؟
دعواتك بقى
يا احمد يا احمد
انت نستني خااااااالص
المهم
موضوع رااااائع
كلمات روعه
وأسأل أيضا
لما خطر ببالي انا أيضا انني يجب أن اسرع كي أملا الغربال بالرمال
يمكن لأن الدنيا قاسيه
والعمر قصير
والنهايه قريبه
اممممممممم
مش عارف
بس هي دي الدنيا دايما تعب وقسوه وضيق
تحياتي
:)
أحمد خالد
أمير الهدوء
صعععععععب قوي يا احمد
زيزي
سؤال برئ واتمنى تجاوبه وماتزوغش من الردود كالعادة..
امتى ناوى تخرج نفسك من المود المهبب ده
بالطريقة اللى انا حساها تقريبا هتفضل تملا فى الغربال طول عمرك
على طول لابس نظارة سودة ليه بس؟؟
بقالك كام بوست بتكتب قليل.. بس معبر قوى.. ومعبر عن حالة صعب قوى تفضل حاطط نفسك فيها
بعتذر عن كلامى وتعليقى اللى فيه شوية تدخل فى حياتك
وممكن اكون فاهمة غلط
بس اتمنى الاقى بوست قريب فيه لمحة امل شوية يا باشمهندس
ادفع فاتورة الكهربا اللى عليك عشان ترجع النور للمدونة اللى عمالة تضلم
لو معاكش فلوس قول.. اخواتك سدادين
او شغلها على حجارة بقى
اعتقد انه فعلا كلنا نسرع في ملئ الغربال بالرمال
البوست باعك بجد حلو اوى بس فكها بقي ربنا يكرمك
ازيك يا احمد اخبارك ايه ، انا حاسة كده ان هي عين وصابت المدونات كلها كلهم عمالين يملوا الغربال ومش عاوز يتملي مع اي حد ،ياريت تغيير بئه المود ده لاني بجد مش مستحملة كل ما ادخل عند حد الاقيه كده
سيبك من الغربال لانك لو فضلت طول عمرك تملى فيه حتى لو عملت مستحيل مش هيتملي انت كده بضيع وقتك
ياريت تطلع من تحت البلاطة وتدفع فاتورة الكهربا بلاش فضايح
فين النسكافية بئه
موني
السلام عليكم ورحمة الله وبركاته
تحيه عظيمة بالطبع ليست كعظم شأن شخصكم المبجل المتواضع , وبعد ,
في واقع الامر تلك هي زيارتي الاولي لمدونتكم الرائعه _ وإن كان وصفها برائعه فقط لا يعطيها حقها _ سعيده جدا بما قرأت واتوقع المزيد فيم لم أقراه بعد وفيم لم تكتبه وأتوقع أن أفضل ما نقله هو مالم نقله بعد وعليه أنتظر أن أقرأ المزيد والأجمل والأروع الذي لم يُكتب بعد .
عثرت علي المدونه عن طريق الصدفه وأول ما قرأت كان موضوعك يوم عمل مرهق . وأعجبتني الفكره للغايه فقررت أن اقرأ المزيد وبدأت من البدايه ووصلت حتي سبتمبر 2007 ولولا انني لم اعد أري أمامي الان تماما لأكملت قراءه حتي الصباح .
بإيجاز شديد وجدت اسلوب منمق جذاب وموضوعات غايه في الجمال وكلمات كثيره توقفت عندها وأعدت قراءتها مرارا ولم اجد غير الابتسامه وفي عقلي اقول " فعلها وسبقني " . كلمات كثيره جالت بذهني لكنها ربما أبت الخروج او أنها لم تجد متنفسا للخروج قراتها عندك كما تمنيت أن أقولها .
لا أجد المزيد للإضافه فما تقول يستحق اعجابا لا تصفه كلماتي الفقيره . تلك كانت مرَّتي الأولي ولن تكون الأخيره بإذن الله . اتمني لك التوفيق واتمني ان اكون متابعه دائما لكل جديد تكتبه .
والسلام عليكم ورحمة الله وبركاته
lyssandra
Post a Comment