وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ

Saturday, January 13, 2007

الصفحة الاجتماعية...اقلب البوست لو حتزهق


















طبعا مقدرش اقول انا وعلي الالفي ..حبيبي..اصحاب قد ايه بالرغم من خلافاتنا المتعددة..هو شايفني واحد معندوش لا قلب ولا احساس وبرمي كلام زي الطوب ..بس والله للمصلحة...لكن غير النقطة الصغيرة دي احنا فعلا اصحاب جدا ومن زمان..ليه انا بقول كدة؟..مش عارف..ربما لان الحاجة الكويسة اعتقد الوحيدة -غير ان صوته حلو- اللي عملها هي انه عرفني علي عالم المدونات ده..فعلا عالم محترم وراقي وكله صدق..اكيد كله صدق لان كل واحد بيقول اللي جواه..دي الحاجة الوحيدة اللي مفيهاش اي شبهة ادعاء..يعني مثلا مش شات غرضه التعارف وبالتالي "انا مهندس عصام32سنة مهندس كمبيوتر" وهو اساسا واد16سنة في ثانوي عام..هنا مفيش كدب..واللي يكدب في مدونته يبقي انسا ن مريض...اكيد مريض..لان الكدب من غير غرض يبقي مرض..يعني الواحد بيكدب عشان يبرر..يحكي..يجمل صورته..لكن لما يكدب عشان مجرد الكدب يبقي مريض..ولا ايه



كنت عايزاقول ايه؟؟؟ايه؟؟؟...اه..علي عنده حفلة يوم30/1 اللي جاي..تقريبا حتبقي في ساقية الصاوي...حفلة من نوعية الحفلات اللي بيغتو فيها"ماشية السنيورة كدة هو" و"متحسبوش يابنات ان الجواز راحة"بس اوعدكو حتحبوها,علي الالفي لو غني ريان يافجل حتعجبك جدا وحتطلبها تاني وتاني..واهي فرصة نغير جو..بس لو سمحت ياعلي تغني مضناك جفاه مرقده عشان انت عارف انا بحبها قد ايه..




ايه كمان...دعوة للجميع عايز ابدأها من دلوقت..احنا شباب مثقف متعلم لازم نعرف حقوقنا كويس..وعشان نعرف حقوقنا لازم نقرا الدستور..انا لسة مشحون من اللي شفته بجد وعشان كدة لازم اعرف حقوقي اللي الدستور والقانون كفلهولي ..انا ححاول ادور علي نسخة كاملة الكترونية وانزلها بس لو معرفتش...ماعلينا عامة انا حدور علي الدستور واقراه وافهمه وادعو الجميع لذلك
وكدة ميت لون وكدة ميت لون والكل سيربح المليون


الدور بقي علي الاعتذار..انا بعتذر علي صيغة الجمع اللي اتكلمت فيها عن الشرطة والجيش..اكيد كل مجال فيه الكويس وفيه الوحش بس الوحش طغي علي الكويس وواجب كل ضابط نزيه شريف وكويس انه يستغل سلطته في الخير ويوقف الضابط الزبالة عن حده..دول بيسيئوا لكل رجال الشرطة..وعامة انا حعتبر كل رجل شرطة وحش الي ان يثبت العكس..

وان شاء الله للحديث بقية..ان شاء الله








8 comments:

Memo said...

ان شاء الله تبقى حفله ناجحه وزي الفل
الكدب كدب في كل حاجه ولمهوش مبرر
ملوش اسم تاني
بص بقا لما تقرا الدستور افهمه كويس ولخصهولنا هنا
يا سيدي اعتبر هوا الاعتبارو لا الظباط بفلوس

علي الالفي said...

ربنا يخلييييييييييك يا واد ياحمد
بس احنا مش بنغني حاجات هبلة و هاتعرف لما تيجي
شكرا ع الصور بجد

Ahmad Hegab said...

وكدة ميت لون وكدة ميت لون والكل سيربح المليون

عجبنى اوى فكرة الصور لانها عبرت كتير عن الصحوبيه اللى بينكوا
ايوه كل مجال فيه الحلو و ابن الصرمه عندك حق ماينفعش نجمعهم كلهم مع بعض

Ahmed EIssa said...

علي فاكر نفسه حدق ومردش عليا في موضوع اغنية مضناك..ابقوافتكرو بقي في الحفلة اني حقوم اطلبها ع الملأ..اديني قلت يابني..صحيح الصور دي نادرة جدا يا واد يا علي محدش عنده منها الا انا..بس مفاجاة مش كدة..

ميمو..مش عارف اقولك ايه دايما صاحبة اول تعليق..بس موضوع تلخيص الدستور ده..يعني انا مش بتاع مراجعة نهائية ولا احنا اتعودنا كل حاجة تبقي في ملزمة من 4 ورقات!!"اوعي تكوني بتزعلي من الهزار "

احمد احنا اصحاب من زمان جدا ده غير ان في صور تانية مش للنشر..احم..قصدي حقوق ملكية بقي فيها ناس تانية مينفعش انشرها ..شكرا علي مرورك واتمني تتابعني..صورك حلوة عل فكرة..

علي الالفي said...

يابني اجيلك بيتكوا و اغنيهالك في ودانك
بس الحفلة كلها اغاني جديدة خاصة بالفرقة
و هاستنااااااااااااكوووووووووووو كلكووووووووووووووووووو

Tamer Nabil Moussa said...

ان شاء الله الحفلة تكون ناجحة

وكلامك عن الشرطة اتفق معاك فية

وسعيد بزيارة المدونة بتاعتك

تحياتى

Barbara said...

Hom kersalda resistodader! Zen deta hortar, keta wiladi. Tempicou guestrah cersar escreceitutt zene yo nindomba vivi viviai. Ferigi, fed de vosofuna.

Anonymous said...

جميل اوى ان يكون لك صديق وفي بالشكل ده واعتقد انكم من خلال اللى قريته عنكم انتى الاتنين على خلاف كتير بس برضه بتحبوا بعض......يارب يديم عليكم الصداقه دي وارجو منك زيارتى في مدونتى المتواضعه